SAM 149:3 - Khumi Common Language Bible

³ Lam nai hawimy mymy i amyn palo u; atymchi hawi tarochi beu naimy mymy ai palo u.

SAM 149:3 ပူးပေါင်းရင်းမြစ်များ

2 SAMUELA 6:14

Davida ly ateaung kanem harei naini amthyp iy, Areng i nang parai nai sai palo nai, ham parai naimy lam.

2 SAMUELA 6:16

Pawm ai mary theung y angjeaung u nai thym khala y, Sawla i chaniu Mikhala ly thaibeng pa-kho mang angdeang i, samrang Davida ai achaw naimy lam nai niu baly, samrang ai kaji hai bo.

1 NENG SATANG 16:42

Palo nai khulym thui nai thym khala, Heman hawi Jeduthun nini ly baw, sa-ra hawi takhra katyn kapauchi beu naira py lu sa. Jeduthun nupai theung i khumichi ly katheu pa-kho typ naichi ne.

1 NENG SATANG 25:6

Nichi bawibawi ly ampo i leu pei nai kamta, sa-ra hawi tarochi ai Achura yhm theung y chiu sa nai hawi amkawm iy beu u bo. Asap, Jeduthun hawi Hemanchi ly samrang i leu pei nai kamta sa naichi ne.

2 NENG SATANG 20:28

Nichi ly mary y tym nai khala tarochi, bawchi eng iy Achura yhm mang y tapai u.

2 NENG SATANG 29:25

Samrang ly samrang Davida teng y samrang i amo Kad hawi amo Nathan dengdairei, Areng my leu pei naichi tangai i, tarochi, sa-rachi syn nai Levi theaungchi khai takhra bo.

EZARA 3:10

Kalop sa nai khumichi ly Achura yhm leng amteaung nai khala y pathyp pi nai keungchi ly mychi i ateaung amthyp iy, bawchi syn naimy meingtym la u nai ne. Naibaly Asah nupai theung i Levi theaungchi my sa-rachi syn u; nichi ly samrang Davida my leu pei yb nai kamta, Areng ai palo u bo.

SAM 30:11

Nang ly kai ai paleung mawn naira i nai amo theu naimy lam hai bo. Kai i paleung si nai ka-ma-ra paisiu aleng iy, amo theu nai ka-ma-ra ateaung amthyp ai nai pei bo.

SAM 33:2

Tarochi beu iy Areng ai palo u. Vui horei awm nai katyn kapau hawi, mymy i mo y khulym thui u.

SAM 81:2

Katyn kapau beu amteaung u; taro katheang kalenchi tyn kahawi beu u.

SAM 81:3

Losi kani hawi lo-um kani pawi sa ai nai molam baw eng u.

SAM 87:7

Huni khumi bawibawichi ly lam naimy, “Zion mawi ly achi nga nai amtheaungra bawibawi i sangum ne,” nanai khulym thui u nai ne.

THEU NAI 15:20

Aron i tuicho amo Miriam ly atym tava iy beu bo; takhra neampachy bawibawichi py atym beu iy lam naimy, ni i nithun abang u nai ne.

JEREMIA 31:13

Hunaibaly chaniu anglochi ly amo theu naimy lam u ai. Miteaung hawi thawndeangchi py, amo theu u sau ai. Kai ly nichi ai awm hai nem ai i, nichi i vo tangam nai ly amo theu naira mang y, nichi i paleung mawn nai ly kawn nai hawi amo theu naira mang y lawm hai ai.

JEREMIA 31:4

Kai ly nangchi ai kang palum ali teang ai. Nangchi ly katyn kapauchi beu iy, amo theu naimy lam u ai.

TARA CHIH NAI KEUNGCHI 11:34

Jephetha ly Mizapa mary, mymy i yhm y vawi teang nai khala, my i chaniu ly atym beu iy, lam naimy lamchung ai nai theu bo. Ni ly chaniu harei awm khyh nai ne.