SAM 147:6 - Khumi Common Language Bible

⁶ Mymy ly tahm anem nai khumichi ai tahm pasang iy, khumi aso y naichi ai ly khaileaung y tym pa-rei atlym hai bo.

SAM 147:6 ပူးပေါင်းရင်းမြစ်များ

SAM 145:14

Mymy ly patang naira avum nai khumi bawibawichi ai sabawm; atlym nai khumichi ai py sabawm.

SAM 149:4

Areng ly mymy i khumichi ai tamen nai ne; tahm anem nai khumichi ai, eaung nai hawimy tahm pasang u.

SAM 25:9

Paleung apanem nai khumichi ai lam kateng mang y pahawi iy, nang i kangai patiu pi kyh ba.

SAM 37:11

Na i py paleung apanem nai khumichi ly pri peang ai i, tlamsa naira hawi chawn pa naira amtym u ai.

SAM 41:13

Israela chengchi i Tameuh ne nai Areng ai ly palo u! Mymy ai vai i dengdai, deungtasa khrairei palo u! Amen! Amen!

SAM 55:23

Na i py aw Tameuh, nang ly khumi ai padei nai keungchi hawi, tapawp nai keungchi ai, nichi i deung ka-hyhrei tym y rai khala my tapreaung angawm theung y ang vum hai ai; kai naini ly nang ai kang-ym ai.

ZEPHANIAH 2:3

Mymy i leu pei naichi tangai iy, paleung apanem nai khumi mipuichi awi, Areng teng y jeu u. Kahawi sa naimy Areng i mo y paleung apanem u. Areng i kado theu nai neng khala, nangchi ly pajeng naira i nai law tleaung naira nga u lym ai.

MALAKHI 4:3

Kai i tara chih ai nai neng kani khala y, khumi hawi y naichi ai eaung naira nga u ai. Nichi ly nangchi kheu padawi anui i spryh kamta lawm ai.

MATTHAI 5:5

“Paleung jypjyp naichi ly taham hawi: nichi ly khaileaung pri amtym ai.

JAKOB 4:10

Areng i mei ka-niu y ly tahm apanem u, hunaibaly ni my ang palo ai.

I PETERA 3:4

paleung y heu nai awm nai sai ly leu anui hawi neaung hawi nai paleung, mawn pajau y nai ateaung phai amthyp u; huni ly Tameuh i mei ka-niu y khri pa-rei vang teng nai ne.

I PETERA 5:6

Hunai deaungkho y neng khyp nai khala y ly nangchi ai tahm ang pasang thai ai nai, Tameuh i ham parai nai kiu anui y apanem u ly;

1 SAMUELA 2:8

Mymy ly khumi kamawnchi ai spryh i nai pathau iy, khumi kamawn kateuchi ai pasang bo. Nichi ai samrang i chochanauchi hawi amkawm ai nai pei iy, tahm awm nai meingtym y ateh hai bo. Areng ly khaileaung i sangum langdeng ai peang; Huni langdengchi salo y khaileaung pri ai sa nai ne.