SAM 147:14 - Khumi Common Language Bible

¹⁴ Mymy ly nang i mary apai katheu ai chymme pa-rei khai iy, nang ai hawi keh nai chohpui chamaw hawi paleung tuinem hai ai.

SAM 147:14 ပူးပေါင်းရင်းမြစ်များ

1 NENG SATANG 22:9

Na i py mymy ly kai ai leu adeu pi bo. Mymy ly ‘Nang ly tlamsa naimy pri peang pajau nai chapo leaungrei nga ai. Ni ly my i paleung ka-echi hawi tlamsa naimy awm pajau ai nai kaimy pei ai. Ni ly my i peang nai deung y Israela chengchi ai tlamsa naimy khai iy, “Solomon,”nanai amyn nga ai.

SAM 122:6

Jerusalem mary tlamsa ai nai molam chiu sa nai ly “Nang ai tamen nai khumichi ly nang u sy.

SAM 132:11

Nangmy, “Kai ly nang i chapo leaung leaungrei ai samrangra y kapalyn ai; ni ly nang i meingtym amtym ai; nang i chapochi ly kai i Leu Maikawm ai kry iy, kai i leu pei naichi tangai u lawh baly, ni i chapochi py nang i meingtym amtym ai.

SAM 132:15

Kai ly Zion mary y aly ngai naichi by y na pa-rei, nang chawn nai mary lawm hai ai; hini mary i khumi kamawnchi ai bym pa-rei kapacho ai.

SAM 29:11

Areng ly mymy i khumichi teng y sa thai naira pei; nichi teng y tlamsa nai amtheaung naira pei pi bo.

SAM 81:16

Na i py kai ly nangchi ai hawi keh nai chohpui chamawchi kang pacho iy, daichi khawihang nei hai ai,” napi.

ISAIA 66:12

Areng my, “Kai ly nangchi ai nang chawn jojo ai nai kang pei ai. Khumi cheng cheaungkhangchi i yhmtheaung katuichi ly mana khala py kang vai y nai tavo tui kamta, nangchi teng y ang leaung ai. Nangchi ly amhm my tamen parai nai y tapawm naimy kanu panei nai deaungdi hawi atawm ai.

Ezekiela 16:13

Nang ly muku tangkachi ateaung iy, kanih mai ka-syn ateaung, kaseaung pau mawi thun nai ateaung hawi, vang kateng ateaung alangchi ateaung jojo ai nai nga bo. Nang ly hawi keh nai tako dei hawi sa nai tako, khawi hang hawi olive asitui cha ai nai nga bo. Nang i mo-cha hawi nai ly sadipa-la nanai y, nang ly samrangnu lawm bo.

Ezekiela 27:17

Juda pri hawi Israela prichi my ly nang i vawnsaichi ai Minet mary mang i chohpui chamaw choh, khawi hang, olive asitui, mui katuichi hawi van u bo.

Levi 26:6

“Kai ly nangchi i pri y tlamsa hai nai deaungkho y, nangchi ly vum y ka-jeira molam paleung mawn naira by y naimy, i nem ai nai nga u ai. Kai ly nangchi i pri i nai mawi kasichi paryh pi pawn ai. Tavai takai ly avum bi ai ny y.

ZEKHARIAH 9:8

Kai ly kaimy i pri ai mani tavaimichi py, tako prei thai y ai nai kry ai. Samrang hawi y naichi ai py, kai i khumichi ai ana ai nai pei ai ny y. Kai i khumichi patang naira avum nai kaniu bo,” napi.

Leu Thui Nai 32:14

Nichi i sichi, mi-ichi my kanu tui neangneang nga hai; nichi ly ti hawi keh nai sichi, beramchi hawi mi-ichi awm iy, lym patyp nai chohpui hawi, hawi keh nai kreip hang py cha nei ai nai nga u bo.