SAM 146:7 - Khumi Common Language Bible

⁷ Mymy ly ana naira avum nai khumichi ai meimai khen iy tara chih pi i, kajeu alam naichi ai pacho panei pi bo. Areng ly theaung tla naichi ai lawi hai iy, mei kamjuchi ai mei angvang hai.

SAM 146:7 ပူးပေါင်းရင်းမြစ်များ

SAM 10:18

Ana patangra avum nai khumichi hawi nurochi ai, mo mang y pajei bi y ai nai, nang ly nichi i aeu nai raawi tangai pi iy, nichi hawi ai nai molam tara chih pi ai.

SAM 103:6

Areng ly ana patang naira avum naichi mang y asa hai iy, tara chih pi nai deaungkho y, nichi i nga ai avo naichi pei pi nai ne.

SAM 12:5

Areng my, “Na i py khumi kamawnchi ly ana pumpi naira avum u nai py, ana piupa naira avum nai khumichi ly no patang naira hawi tangam u nai deaungkho y, kai ly vaimy jeu praw ai. Nichi i kadeaung nai law tleaung naira ai, nichi teng y kaimy kapei ai,” napi.

SAM 136:25

Mymy ly heng nai amjy cheaungkhangchi ai, teicha teineichi pei pi bo; mymy i tamen nai ly deungtasarei ne.

SAM 142:7

Kai ai ngari kamtangra i nai lawi hai kyh ba; nang ly kai ai huna nai kamta hawihai nai deaungkho y, kai ly nang i khumichi theung y nang ai kang palo ai.

SAM 35:10

“Nang hawi ami atawm mo? Ami nai ly nang kamta, atho di nai khumi ai atho awm nai khumi my patang hai naira i nai py, ngari kamtang avum nai khumi ai ana nai khumi teng i nai py, ami my ama hai mo,” nanai Areng teng y kaimy i avum nai ka-dawn hawimy amti pi ai.

SAM 68:6

Mymy ly bengtlairei awm nai khumichi ai yhmtheaung sa ai nai pei iy, theaung tla nai khumichi ai kawm cheng naira i lawi hai bo; na i py mymy ai tiu nai khumichi ly tui by y nai meingtym y awm u ai nai tla ai.

SAM 68:7

Aw Tameuh, nang ly nangmy i khumichi ai pahawi iy daichi ka-vym tako prei nai khala py,

SAM 72:4

Samrang ly khumi kamawnchi ai adyh adawi naimy tara chih pi sy; khumi kamawnchi ai sabawm pi sy; ana pumpi nai khumichi ai pasum pi sy.

SAM 9:16

Areng ly leu meitang naimy tara chih nai deaungkho y, mymy ai amthang hai bo. Khumi hawi y naichi ly mychi i sa nai sai molam y, mychi ai man u ali teang nai ne.

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

ISAIA 9:4

Ati mana nai mo nabaly nang ly nichi i myn kaji hawi nichi ai pakhau nai thengbeang khei pi vui nai deaungkho y ne. Jangni khala nang ly Midian tavaimichi ai tiu nai pajau pi vui nai kamta, mymy i khumichi ai ana nai khumichi ai patheu pi vui bo.

JEREMIA 31:14

Kai ly pathyp pi nai keungchi ai, teicha teinei kahawi hawi bym pa-rei kapacho iy, kai i khumichi avaw nai ngierei ai angym pa-rei kapei pi ai. Hini ly kai, Areng i thui nai leu ne,” napi.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

LUKA 1:53

Kajeu alam naichi ai ly ati mo hawi parai nai hawi kajeu ang kawi hai bo; Kanangchi ai ly beng tlairei pato veng bo.

LUKA 4:18

“Khumi kamawnchi teng y Satang Kahawi thui ai nai ang khai takhra nai deaungkho y, Areng i Phailo ly kai i tlang tleaung y awm; Miseaungchi teng y alaw hai ai nai leu hawi, Mei kamjuchi teng y mei angvang teang ai nai leu thui ai nai py, Ana patang naichi ai patheu ai nai py,

LUKA 9:17

Naibaly nichi ly cha i kajeu kawi u bebe; nichi i cha nai kamthom py teaung holai nyhrei kawi teang.

AMTAW 16:26

naibaly tlenrei khyh my kaleih khri pa-rei theu, hunaibaly theaung lengseaung leng nai mang y ahyn bo; katheu bawibawi py am-eaung praw iy, khumi leaung leaungrei i pakheng naira ly akheaung bebe veng.

AMTAW 5:19

Na i py vum y Areng i kani pri i amtaw thau nai leaungrei my theaung katheu paeaung i nichi ai theu hai iy,