16 Nang ly nichi i ngai naichi ai angym pa-rei pei iy, nichi ai paleung tuinem hai bo.
Nangmychi i vui hawi, nichi i vui py teicha teinei cheaungkhang syn ba,” napi.
Acha keungchi prau hai ai nai, phuirawm nai khaileaung ai ami my tui nga hai mo?
Nang ly nichi ai pacho nai deaungkho y, nichi ly cha ai nai nga; nang ly teicha khai pi nai deaungkho y, nichi ly bym pa-rei nga u bo.
Mymy ly tui ahai naichi ai tui kanghai dam hai; kajeu alam naichi ai, ati mo hawi parai naichi hawi kajeu kawi hai bo.
Kai ly Zion mary y aly ngai naichi by y na pa-rei, nang chawn nai mary lawm hai ai; hini mary i khumi kamawnchi ai bym pa-rei kapacho ai.
Mymy ly amso tawnbawichi ai teicha teinei pei pi; o-a chochi hang nai khala y pacho panei bo.