SAM 145:10 - Khumi Common Language Bible

¹⁰ Aw Areng, nang i sa nai heng nai amjy bawibawichi ly nang ai palo u ai; nang i khumichi ly kawn nai palo u ai.

SAM 145:10 ပူးပေါင်းရင်းမြစ်များ

SAM 103:22

Areng i sa nai hawi peang naira theung y awm nai heng nai amjy bawibawichi awi, mymy ai palo u. Aw kai i phailo, Areng ai palo!

SAM 104:24

Aw Areng, nang i sa nai leaungsaichi ly nawi parai na ly! Cheng nai hawimy huni bawibawichi ai sa! Khaileaung ly nang i sa nai heng nai amjychi hawimy kawi na bo.

SAM 149:5

Tameuh i khumichi ly tavai eaung nai deaungkho y amo theu u sy; vumtorei amo theu naimy khulym thui u sy.

SAM 19:1

Kani khusang ly Tameuh i nang parai nai sai amteng hai! Kani khusang ly mymy i kupe lasachi amny hai!

SAM 22:23

Areng i miseaungchi awi, mymy ai ly palo u! Jakob i kangpreangchi awi, mymy ai tahm khai u! Israela chengchi awi, mymy ai ly chiu u!

SAM 30:4

Mymy ai ka-ym awm nai khumichi awi, Areng ai palo nai khulym thui u. Chai parai nai keung i sa nai leaungsai ai pany jo iy, kawn naimy palo u!

SAM 30:5

Mymy i kado theu nai ly tanareichy khyh; hawi naira ly deungtasarei ne. Vum y meikatui beu teu i py, khawn mang y ly amo theu hai ali teang nai ne.

SAM 32:11

Aw khumi kahawi bawibawichi awi, Areng i sa pi nai molam y amo theu u. Mymy i leu tangai nai khumi bawibawichi awi, amo theu nai aeu u!

SAM 57:9

Aw Areng, kai ly khumi cheng cheaungkhangchi theung y, nang ai kawn naimy palo ai. Khumi cheng bawibawichi theung y, nang ai kang palo ai.

SAM 68:26

“Mymy i khumichi achu naira y, Tameuh ai palo u; Jakob i katu chanau bawibawichi awi, Areng ai palo u!

SAM 69:35

Mymy ly Zion mawi ai atleu iy, Juda marychi ai sa palum teang ai; Mymy i khumichi ly huni marychira y awm naimy pri amtym u ai.

SAM 97:12

Nangchi khumi kahawi bawibawichi awi, Areng i sa pi nai saichi molam y amo theu u! Chai parai nai Tameuh i sa nai saichi ai pany u jo ly mymy ai kawn nai palo u.

ISAIA 44:23

Nangchi kani khusang awi, amo theu naimy aeu u! Khaileaung thiu parai nairachi awi, aeu u! Mawichi hawi thengreung theung i dengkeaung keungchi awi, amo theu naimy aeu u! Areng ly mymy i khumi Israela chengchi ai atleu iy, mymy i nang parai nai patei pi bo.

HEBRAI 13:15

Hunaibaly mymy i saho y palo naira ly apathyp naira lawn ai nai Tameuh teng y talam u reng sina, huni ly ni i amyn apha y nai labeaung athai ne.

I PETERA 2:5

mymy teng y jeu iy, nangchi ai py lengseaung kanghengchi kamta ly phailo mang i yhm sa naira y ang tabawi ai nai, Isu Krista i saho y Tameuh i ka-kawn phailo mang i apathyp naira ly talam iy, pathyp pi nai keung kachaichi lawn thai ai nai.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;