SAM 141:8 - Khumi Common Language Bible

⁸ Na i py salo kangteng aw Areng, kai ly nang ai ymra ymra nai ne; kai ly nang teng y abyh ai; kai ai deira i nai amo hai kyh ba!

SAM 141:8 ပူးပေါင်းရင်းမြစ်များ

2 NENG SATANG 20:12

Nang ly kaichi i Tameuh ne! Kaichi ly vai, ang tiu ai nai jeu nai tavaimi kamkawm pui ai kaichi ly amtang pajau y nai deaungkho y, mana sa ai mo, nanai dawn pajau y. Na i py kaichi ly sabawm naira nga ai nai, nang teng y angdeang u nai bo,” nanai tao pajeng parai naimy chiu sa nai ne.

SAM 102:17

Mymy ly mymy i khai su nai khumichi i hnei takeng nai thai iy, nichi i hnei takeng nai tangai pi ai.

SAM 11:1

Kai ly Areng teng y abyh bo. Pri amrip sup naira by y nai khala y, “Tavo kamta mawi salo mang y akheang ba;

SAM 2:12

Jei hyn naimy mymy i mo y lu meung u; huna nai so y baly mymy ly kado theu nai deaungkho y nangchi ly dei u takengkei ai. Mymy teng y ahihawi naimy abyh nai khumi bawibawichi ly taham hawi u nai ne.

ISAIA 41:17

Kai i khumichi tui ngai nai hau nai khala py, nichi tui kanghai tao phui nai khala py, kai, Areng ly nichi i hnei takeng nai pathang pi ai. Israela chengchi i Tameuh, napi nai kai ly nichi ai mana khala py khai su ai ny y.

JOHAN 14:18

“Nangchi ai nuro kang khai jo y leang mang; nangchi teng y kang jeu teang ai.