SAM 141:5 - Khumi Common Language Bible

⁵ Khumi kahawi ly kai ai pahen parai naimy pajeng nai hawi parip nai leu thui ai; na i py khumi hawi y naichi i tahm pasang nai ly kai ngai y leang; ati mana nai mo nabaly huni khumichi i kamngo sa nai molam y, kai ly avawrei chiu sa naimy awm nai deaungkho y ne.

SAM 141:5 ပူးပေါင်းရင်းမြစ်များ

2 NENG SATANG 25:16

Huna nai khala y Amazia my, “Kaimy nang ai mana khala samrang ai tau pei nai keung y kang khai mo? Nang ly awm pypy, ti y baly kang padei vui ai!” napi. Amo my ly “Nang ly hini atitichi sa iy kai i tau pei nai dawndan y lawh baly, Tameuh my nang ai padei ai nai dawn yb nai vai ly kai pany bo,” nanai thui chum baly sai py katheu y naimy awm pypy bo.

SAM 125:4

Aw Areng, khumi kahawi, nang i leu pei nai tangai nai khumichi teng y hawi naira so pi kyh ba.

SAM 23:5

Nang ly kai i vui paleung ka-e bawibawichi i mo y sabawi sawn pi rym bo. Tahm awm nai angvyn kamta, kai ai asitui lei iy lamchung bo. Kai i khau py lem na pa-rei kawi hai bo.

SAM 51:18

Aw Tameuh, Zion mary ai pahen iy sabawm kyh ba; Jerusalem mary apaichi ai so pi teang kyh ba.

LEU KACHENG 12:1

Tau cheng naira ai khrei nai khumi ngiereichi ly thui parip nai ai ngai nai ne; thui parip nai ai ngai y nai ly khumi ka-khum ne.

LEU KACHENG 15:22

Tau pei kawp nai khumi nawi baly, katau eaung nai nga reng; arum apang nai by y baly, katau phra nai ne.

LEU KACHENG 15:5

Ampo i thui parip nai ai dawndan y nai khumi ly ka-khumcho ne. Ni i thui parip nai leu tangai nai khumi ly cheng nai khumi ne.

LEU KACHENG 19:25

Paleung len nai khumi ai ly khyh pakhau iy parip ba. Huna khala naini, tau padi nai khumi ly pany thai ai. Tau cheng nai khumi ly parip naira avum nai khala, cheng naira nga ai.

LEU KACHENG 25:12

Lulip pany naira angym nai khumi i pany hai nai leu ly tangai ai ngai nai khumi i vui y muku kiusabyh tleaung y py, muku tangcheng hawi sa nai ateaungchi tleaung y py vang teng keh nai ne.

LEU KACHENG 6:23

Reita leuchi ly maisi yhm kamta ne i, nichi i ang thui pi nai leuchi ly kangvang hawi atawm. Nichi i thui parip nai leuchi ly nang heng ai nai lam patei pajau.

Parip nai leu 7:5

Khumi kachengchi i thui parip nai tangai nai ly khumi ka-khumchi my palo nai tleaung y hawi keh.

Levi 19:17

“Ami ai paleung ka-e khai moh; ni molam y nang ly kamngo so y ai nai, ni hawi adyh adawi y nairachi, nihawi ka-vum sa iy alyra so.

MATTHAI 5:44

Na i py kai ly kang thui pi, nangchi ly nangchi i Ampo kani mang y awm nai i chanauchi lawn thai ai nai, nangchi i paleung ka-echi ai tamen u ly; nangchi ai ana nai keungchi i vui y chui so pi u: ati mana nai mo nabaly.

KALATIA 6:1

Amjo amnauchi awi, ami my kamngo ati py sa nai thym khala y theaugma nai awm khyly nangchi phailo mang y, asa naichi awi, “Kai py parawi naira avum teang lawh na,” nanai hawihai atyp u nai tarawi y huna nai khumi ai ly leu kanem chy y my angdo hai u.

AMTENG HAI NAI 3:19

Kai i tamen nai ngiereichi ai ly parip py kang parip, chip py kang chip: hunai deaungkho y atho sa jojo iy, uikhei ly.