SAM 139:21 - Khumi Common Language Bible

²¹ Aw Areng, nang ai niu ngai y nai khumichi ai, kai py niu ngai y na a! Nang ai tiu nai khumichi ai kai ly paso na a!

SAM 139:21 ပူးပေါင်းရင်းမြစ်များ

2 NENG SATANG 19:2

Hanani ni i chapo amo Jehu ly samrang teng y chei i ni teng y, “Samrang nang ly khumi hawi y naichi ai sabawm lawh a? Areng ai niu ngai y nai khumichi hawi ahawi ka-dawi asa lawh a? Hunichi molam y Areng i kado theu nai ly nang i tlang tleaung y tym nai bo.

SAM 119:136

Khumichi ly nang i reita leu ai tangai u y nai deaungkho y, kai i mei katuichi ly tavo tui kamta leaung na bo.

SAM 119:158

Kai ly leu atangai y nai khumichi ai niu nai khala y, khri pa-rei paso parai; ati mana nai mo nabaly nichi ly nang i leu pei naichi so patawm u y nai ne.

SAM 15:4

Nichi ly Tameuh my khai su nai khumichi ai paso i, Areng i leu tangai nai khumichi ai ly tahm khai iy palo reng; mana tanrei amy i vui sum naira tym lawh teu i py, amy i leu adeu nai kamta sa jojo reng.

SAM 26:5

Khumi kamngochi hawi amkawm naichi ai kaniu ngai y i, khumi hawi y naichi ai ly kaen vui nai ne.

SAM 31:6

Nang ly teng y nai tameuhchi ai chiu nai khumichi ai ly niu ngai y; Na i py kai ly nang ai kang ym nai ne.

JEREMIA 13:17

Nangchi tangai u y lawh baly, kai ly nangchi i amlyh am-e nai molam y vo paryp ai. Kai ly paleung si nai khri pa-rei vo ai. Ati mana nai mo nabaly Areng i khumichi ly langheng y hawi pawn nai deaungkho y, kai ly meikatui tla ai.

MARKA 3:5

Na i py nichi ly sai py katheu y. Naibaly nichi i paleung kyh chawn veng nai sai ly mymy ai khri pa-rei paleung mawn hai i, mymy ly kado theu naimy nichi ai khen akiprei nai bo y huni khumi teng y, “Nang i kiu pataw,” napi. Hunaibaly ni ly pataw i, kiu ly hawi teang bo.

LUKA 19:41

Naibaly tym ai nai takengkei khala ly avang niu i vo hai i,

AMTENG HAI NAI 2:2

Nang i atiti sa naichi hawi, sa akawm nai hawi, kham tanga nai sai hawi, khumi kamngochi ai kham pajau y nai sai py kapany: naibaly amtaw thau naichi ny y naimy, amtaw thau nai angam naichi ai cham iy nichi ly tapawp nai keungchi ne, nanai pany bo;

AMTENG HAI NAI 2:6

Na i py hini ly nang i vui hawi naira ne; nang ly Nikolachi i atiti sa naichi ly niu ngai y, huni ly kai py niu ngai y teang.