SAM 138:2 - Khumi Common Language Bible

² Kai ly nang i nang parai nai Achura yhm kachai mang y motha iy, lu meung naimy nang i khaw parai nai tamen naira hawi, ka-ym awm nai molam y, nang i amyn kang palo mang; ati mana nai mo nabaly, nang i amyn hawi adeu naichi ly tahm awm keh, nanai patei pi nai deaungkho y ne.

SAM 138:2 ပူးပေါင်းရင်းမြစ်များ

1 ARENG KEH 8:15

Naibaly samrang my, Israela chengchi i Areng Tameuh ai ly palo u! Mymy ly kai i ampo Davida hawi leu adeu nai khaw hai bo. Mymy ly

1 ARENG KEH 8:20

“Huna nai y vai ly Areng my mymy i leu adeu nai sa khyp bo. Kai ly Israela chengchi i samrang, ngaai Davida i meingtym y amtym i, samrang lawm bo. Naibaly kai ly Israela chengchi i Areng Tameuh ai chiu ai nai Achura Yhm py sa i pajau bo.

1 ARENG KEH 8:24

Nang ly kai i ampo Davida hawi leu adeu nai sa khyp bo. Nang i leu pei nai bawibawichi ai vaini ly sa angym nai ne.

SAM 115:1

Aw Areng, nang i khaw parai nai tamen naira hawi ka-ym awm nai molam y, nang teng y naini nang parai naira awm khyh; kaichi teng y nang parai naira by y.

SAM 28:2

Nang i Achura yhm kachai mang y kiu pheu iy, “Sabawm kyh ba,” nanai kai aeu nai khala, tangai pi kyh ba.

SAM 5:7

Kaimy i vui nabaly, nang i tamen naira len parai nai kanga nai deaungkho y, nang i yhm theung y kun pajau; nang i Achura yhm kachai theung y chiu sa naimy nang ai tahm khai nai lu meung pajau.

SAM 5:8

Aw Areng, kai i paleung ka-echi ly khri pa-rei nawi parai! Nang i kangai sa ai nai kai ai lam patei pi kyh ba. Nangmy kai ai tako hai ai ngai nai lam ly thleaungthlang hai kyh ba.

SAM 56:10

Kai ly Areng i adeu nai leuchi ai kapalo nai ne.

SAM 56:4

Kai ly Tameuh ai ym nai deaungkho y, ami ai py jei ai ny y; mymy i adeu nai molam y mymy ai kapalo ai. Khumi ly kai ai ati sa pajau ai mo?

SAM 85:10

Tamen naira hawi ka-ym awm naira ly avum ai; leu meitang adyh adawi naira hawi tlamsa naira ly atakawi hawi ai.

SAM 86:15

Na i py aw Areng, nang ly pahen nai hawi tamen reng nai Tameuh ne; nang ly neaung hawi jojo nai ne; avawrei pahen naimy ka-ym awm bo.

SAM 99:5

Achi i Areng Tameuh ai ly palo u; mymy i areng atehra mo y lu meung iy chiu u! mymy ly chai parai nai ne.!

SAM 99:9

Achi i Areng Tameuh ai ly palo u; mymy i mawi kachai salo y chiu u! Achi i Areng Tameuh ly kachai ne.

ISAIA 42:21

Areng ly atleu ai nai paleung awncha nai Tameuh ne iy, mymy ly my i reita hawi mymy i leu tahm khai nai khumi lawm ai nai aly ngai nai ne.

ISAIA 63:7

Kai ly Areng i phra vai y nai tamen nai satang thui pi ai. Kaichi i vui sa pi nai atitichi molam y kapalo ai. Mymy ly mymy i tamen nai hawi pahen nai saho y, Israela chengchi teng y amtheaung naira kawi angym hai nai ne.

DANIELA 6:10

Samrang ly hina nai lamai nip typ chum veng bo, nanai thai nai khala y, Daniela ly yhm y vawi jo bo. Ni i yhm salo sambeura, Jerusalem mary mang mo tha nai thaibeng pa-khochi awm. Ni ly huni sambeura y mymy i sa reng nai kamta, thaibeng pa-kho sahawi y kheukhu di iy, kanirei y tlen thomrei, Tameuh teng y chiu sa nai ne.

MATTHAI 24:35

Kani khaileaung ly tama ai i, kai i leu ly tamo y ai.

MATTHAI 5:18

Meitang khyp kang thui pi, kani khaileaung tamo y ryrei ly Reita i leu maiden chy theung dyp nai mo, maiden chy jyn si nai mo, atiti bawibawi tym angym y ryrei ly ha py tama ai ny y.

JOHAN 1:17

Ati mana nai mo nabaly Mosi i saho y Reita ang pei bo; na i py pahenra hawi leu meitang py Isu Krista i saho y tym.

JOHAN 10:35

Tameuh i leu nga naichi ai malawn py tameuhchi napi baly (naibaly Tameuh i cha-iu leu sai ai taphra thai y leang)