SAM 137:3 - Khumi Common Language Bible

³ Kaichi ai patiu nai khumichi my, “Kaichi amo theu ai nai Zion mary satang ai khulym mang y thui pi,” ang napi u bo.

SAM 137:3 ပူးပေါင်းရင်းမြစ်များ

1 NENG SATANG 15:27

Samrang Davida ly khri pa-rei apu parai nai kanih mai ka-syn amthyp. Hunai kamta katyn kapau beu kawp naichi, nichi i lu Khenania hawi Pawm angjeaung nai Levi theaungchi py amthyp u nai ne. Davida ly apathyp nai ateaung py amthyp.

1 NENG SATANG 16:7

Hini ly Areng ai palo iy khulym thui ai nai Asap hawi mymy i ahawi Levi theaungchi ai, samrang Davida my kalop pei angchei nai ne.

NEHEMIA 4:2

My i ahawichi hawi Samari risachi mo y ni my, “Hini ati sai py sa thai naira by y nai Juda chengchi ly ati sa u nai mo? Nichi ly Jerusalem mary palum teang ai nai tau u nai a? Apathyp nai saho y hini kalop ai kanirei naimy pajau vui ai, nanai athang khai u nai sai a?,” napi.

SAM 65:1

Aw Tameuh, nang ly chiu sa hnei takeng naichi ai pathang pi reng nai deaungkho y, kaichi ly Zion mary y nang ai palo ai ataing nai ne.

SAM 79:1

Aw Tameuh, nang i pri theung y Tameuh ai pany y nai khumichi ang kun u miuh bo; nichi ly nang i Achura yhm kachai ai chai hai y bo; Jerusalem mary ai py taphra u veng nai ne.

SAM 80:6

Nang ly kaichi i pri ai, tengpang y awm nai prichi i tavai atiura meingtym lawm hai bo; paleung ka-echi ly kaichi ai khumi aniu y bo.

SAM 9:14

Huna nai khala naini kai ly Jerusalem mary khumichi i mo y angdo iy, nang i nang parai nai sai bawibawi amteng hai pajau ai. Nang i atleu pi nai sai molam y kai ly amo theu ai.

LEU KACHENG 25:20

Paleung atho di nai khumi teng y khulym thui pi nai ly kaseih neng y amdeng parai nai khumi i ateaung ai leng pi vui nai, ti y baly tlang tamora y palawi phui nai hawi atawm.

ISAIA 35:10

Nichi ly amo theu seu naimy khulym thui iy, Jerusalem mary mang y tym u ai. Nichi ly amo theu u jojo ai. Paleungsi paleung mawn naira pipi awm ai ny y.

ISAIA 51:11

Nangmy atleu pi chum nai khumichi ly khri pa-rei amo theu naimy khulym thui iy Jerusalem mary y tym u ai. Nichi ly deungtasarei amo theu u ai i, deungtasarei paleung si vo tangam nai avum u ai ny y.

JEREMIA 26:18

“Juda samrang Hezekia deung y Morise avang i amo Mikha ly khumi bawibawichi teng y ati cheaungkhang sa thai nai keung Areng my, ‘Zion mawi ly li khaileaung kamta, thawn piu nai avum ai; Jerusalem mary ly lengseaung ka-nawi pakheng achu nai lawm iy, Achura yhm mawi py thengreung lawm ai,’ nanai ang thui pi bo.

JEREMIA 9:11

Areng my, “Kai ly Jerusalem mary ai kasuichi aeungra, yhm hlau kaphrachi pakheng achu nai meingtym lawm hai ai. Juda marychi py khumi angso savai tlang nai tui by y nai daichi ka-vym lawm ai,” napi.

MIKHA 3:12

Hunai deaungkho y nangchi i molam y Zion mary ly thawn piu yb nai li khaileaung kamta lawm ai. Jerusalem mary ly phra nairachi pakheng mang nai meingtym lawm ai. Achura yhm awm nai mawi ly daichi lawm ai.

LUKA 21:6

“Nangchi i hini atiti niu nai ly panawi y nai lengseaung tleangleang nai ly hi y ha py awm ai ny y; huna nai kani tym ai,” napi.