SAM 136:16 - Khumi Common Language Bible

¹⁶ Mymy i khumichi ai daichi ka-vym tako prei ai nai pahawi bo; mymy i tamen nai ly deungtasarei ne.

SAM 136:16 ပူးပေါင်းရင်းမြစ်များ

NEHEMIA 9:12

Nang ly nangmy i khumichi ai kanithun y tamai hawi lam patei iy, vum y ly nichi i lam y maiteaung hawi angvang hai.

NEHEMIA 9:19

Na i py nang i pahen naira ly len parai nai deaungkho y, nang ly nichi ai khutaha daichi ka-vym y khai su y. Kanithun y lam patei nai tamai py, vum y nichi i khuleaung lam y angvang hai nai maiteaung py, lo pi veng y nai ne.

SAM 77:20

Nang ly Mosi hawi Aron nini i lu sa nai hawimy, nangmy i khumichi ai, beram tym nai keung kamta pahawi bo.

THEU NAI 13:18

Hunaibaly nichi ai daichi ka-vym lam mang dengdairei, pangli Kamsen ai ka-kawi ka-mi tako hai prei nai ne. Israela chengchi ly tavai atiu ai nai tavai ateaung kangym amthyp u bo.

THEU NAI 15:22

Naibaly Mosi my Israela chengchi ai Pangli Kamsen dengdairei Shura daichi ka-vym y tym hai bo. Nichi ly kani thomrei daichi ka-vym y tako u veangveang i py tui avum y.

ISAIA 49:10

Nichi ly mana khala py, teicha teinei avaw ai ny y. Nichi ly mymychi ai tamen nai keung i lam patei nai avum iy, kanito hawi speung kangngo molam y, patang naira avum ai ny y. Mymy ly nichi ai tui sampumchi awm naira mang y pahawi ai.

Leu Thui Nai 11:5

Nangchi hini meingtym y tym y rai kha i, daichi ka-vym y nangchi i vui Areng my sa pi nai sai py, nangchi pany u bo.

Leu Thui Nai 8:15

Mymy ly nangchi ai pavui kangso hawi kani taaichi peung iy, kau parai nai hawi ka-jei awm nai daichi ka-vym jeungrei pahawi prei nai ne. Khaileaung jengha iy tui by y nai meingtym y, mymy ly lengseaung pui mang tui theu hai bo.

Leu Thui Nai 8:2

Nangchi i Areng Tameuh ly law veng nai saneng vui palyhrei sala, nangchi ai pahawi iy daichi ka-vym tako hai prei bo. Huni thym khala nangchi ly reita leu pei naichi patawm ai nai ngai mo, ngai y mo, nanai cham ai nai nangchi teng y ngari kamtang cheaungkhang tym hai nai ly pany u.