SAM 135:17 - Khumi Common Language Bible

¹⁷ Nichi ly kanochi awm i py thai y; taho py taho thai y leang.

SAM 135:17 ပူးပေါင်းရင်းမြစ်များ

JEREMIA 10:13

Mymy leu pei nai khala y kani khusang salo i tuichi ly katyn amsau na bo. Mymy ly khuteng taki i dengdairei, khupanymchi sau hai nai ne. Kani nai thym khala amlosadichi theu hai iy, mymy paeaung naira i alichi ai py aho hai bo.

JEREMIA 51:17

Hina nai sa nai deaungkho y khumi bawibawichi ly cheng naira, pany thai naira by y nai khumichi lawm u bo. Myn sa nai khumi ngiereichi ly mymychi i sa nai mynchi ly tameuh tatang ny y nai deaungkho y paleung phra u bo. Huni mynchi ly hengra py by y.

HOSEA 13:2

Nichi ly tau cheng nai khumichi i kasabawm hawi, tangka mynchi chiu iy kamngo sa ra sa ra nai ne. Naibaly nichi my, “Hini mynchi teng y apathyp u!” nanai thui u. Khumi ly huni si katai mynchi ai pachawm ai nai avo na a!

HABAKKUK 2:19

Nangchi ly taham si u! Deng keaung beang ai, “Anglaw jau” nanai py, lengseaung ai, “Angthau jau” nanai py, nangchi thui u reng nai ne. Myn ly nangchi ai ati thui pi pachai thai ai mo? Muku tangkachi hawi an paleaung nai ne i py, huni myn ly heng y leang.