SAM 135:13 - Khumi Common Language Bible

¹³ Aw Areng, nang ly Tameuh ne, nanai khumichi ly avawrei thai u ai; nang i amyn ly deung kangthau khrairei amthang jojo ai.

SAM 135:13 ပူးပေါင်းရင်းမြစ်များ

SAM 102:12

Na i py aw Areng, nang ly deungtasarei samrang ne; nang i amyn ly deungtasarei awm jojo ai.

SAM 102:13

Nang ly ang thau iy Zion mary ai pahen ai; huni mary ai pahen ai nai nang ly tym bo; vai i neng ly avo khyp nai neng ne.

SAM 102:21

Hunai deaungkho y pri tleirei i khumi cheng cheaungkhangchi ly angym u iy Areng ai chiu u nai khala y,

SAM 72:17

Samrang i amyn ly awm jojo sy; amyn amthang nai ly kanito kamta awm jojo sy. Tameuh ly samrang ai amtheaung naira pei nai kamta, khumi cheng cheaungkhangchi ly mychi ai py, amtheaung naira pei ai nai Tameuh teng y hnei u sy.

SAM 8:1

Aw kaichi i Areng Tameuh, nang i tahm asang nai sai ly khaileaung pri verei y niu pajau! Nang ai palo nai khulym raawi ly kani pri mang y khrairei tym na bo.

SAM 8:9

Aw kaichi i Areng Tameuh, nang i tahm asang nai saichi ly khaileaung pri verei y niu pajau nai ne.

SAM 89:1

Aw Areng, kai ly nang i khaw parai nai tamen naira satang ai avawrei khulym thui ai; kai ly nang i ka-ym awm nai sai ai, neng tleirei amthang hai ai.

THEU NAI 3:15

Naibaly Areng my Israelachi teng y, “Nangchi i amsi pajochi i Areng, Abraham i Tameuh, Isaka i Tameuh, Jakob i Tameuh napi nai Areng Tameuh my nangchi teng y kai ai ang pato nai ne,” nanai Israela chengchi teng y thui pi ai nai tla. Huni amyn ly deungtasarei kai i amyn ne; momang i deung kangthauchi ly huni amyn hawi kai ai palau u ai.

HOSEA 12:5

Huni Tameuh ly ati cheaungkhang sa thai nai Areng Tameuh ne. Mymy i amyn ly Areng ne i, huni amyn y chiu ai nai tla.

MATTHAI 6:13

Parawi naira y pahawi moh ba, Kaichi ai hawi y nairai y ly lawi hai kyh ba, nanai thui u.

MATTHAI 6:9

Hunai deaungkho y nangchi ly hinai kamta chiu so u: Ngaai, kani pri mang y awm nai, Nangmy amyn tahm khai nai awm sy,