SAM 134:2 - Khumi Common Language Bible

² Achura yhm theung y kiu pheu iy chiu so u; Areng ai palo u!

SAM 134:2 ပူးပေါင်းရင်းမြစ်များ

NEHEMIA 8:6

Ezara my, “Nang parai nai Areng Tameuh ai ly kawn naimy palo nai awm sy!,” napi. Khumi mipuichi ly kani mang y kiu pado u naimy, “Amen!, Amen!” nanai thui u chum baly kheukhu di iy meimai khaileaung y abi vi na pa-rei chiu u bo.

SAM 141:2

Kai i chiu sa nai ly dym mang y kapathypra talam nai kamta kawn pi kyh ba.

SAM 26:6

Aw Areng, kai teng y kamngo by y nai sai patei ai nai kai ly kaimy i kiu asipan chum baly, nang i maicham taki iy chiu ai.

SAM 28:2

Nang i Achura yhm kachai mang y kiu pheu iy, “Sabawm kyh ba,” nanai kai aeu nai khala, tangai pi kyh ba.

SAM 63:2

Meingtym kachaira y nang ai niu ai nai, kai ai pei kyh ba; nang i sa thai naira hawi phum-ang niu ai nai pei kyh ba.

SAM 63:4

Kai heng nai ryrei ly nang ai kawn naimy palo ai; kiu pheu iy nang teng y chiu sa hnei takeng ai.

SAM 63:5

Kai i phailo ly tuinem nai teicha cha ai ngai nai khumi kamta, paleung tienem naimy kaawm ai. Nang ai amo theu parai naimy palo nai khulym thui ai.

TANGAM NAI LEU 2:19

Vumtorei ang thau krei ang thau krei iy, Areng ai palau ba. Mymy i mo y nang i paleung pathym apei ve iy, nang i cho chanauchi i vui y ahui naimy hnei takeng ba. Nang i cho chanauchi ly lam taki tavai tleirei y kajeu alam naimy dei u bo he!

TANGAM NAI LEU 3:41

Kani pri mang y awm nai Tameuh teng y achi i paleung am-eaung naimy, anui i chiu sa naira thui u sina.

I TIMOTHEI 2:8

Hunaibaly neampachochi ly meingtym tleirei y kado theu y nai hawi aei y naimy kiu kachai pheu iy chiu so khyly kangai.