SAM 132:2 - Khumi Common Language Bible

² Davida my, “Kai ly Areng awm ai nai yhm py, Jakob i ati cheaungkhang sa thai nai Tameuh i yhm py,

SAM 132:2 ပူးပေါင်းရင်းမြစ်များ

ATITI AWM ANGCHEI NAI 49:24

Na i py Jakob i ati cheaungkhang sa thai nai Tameuh i sa thai naira hawi py, Israela ai ama hai nai beram typ nai keung i sabawm nai saho y py, ni i thailiho ly amchyh y iy, ni i kiubanchi py ham nai ne.

2 SAMUELA 7:1

Samrang Davida ly mymy i samrang yhm y tlamsa naimy awm nai khala y, Areng ly samrang Davida ai paleung ka-echi teng i nai chymme hai nai deaungkho y,

2 SAMUELA 7:2

Amo Nathan teng y,” “Khen cham, kai ly Seda keung hawi sa nai samrang yhm y awm ai nai nga teu i py, Tameuh i Leu Maikawm Pawm ly kanih yhm theung y awm jo lawh ly!” napi.

1 NENG SATANG 28:2

Samrang Davida ly Huni khumichi mo y angdo iy, leu thui. Samrang my, “Kai i khumi mipuichi awi, kai i leu tangai u. Kai ly achi i Areng Tameuh i kheu amchynra Leu Maikawm Pawm khai ai nai yhm harei sa ai nai ngai. Tameuh i amyn palo ai nai Achura yhm sa ai nai molam, kai ly angveirym bo.

SAM 119:106

Nang i meitang naimy tara chih naichi tangai ai, nanai kai ly amy i vaineng abeu nai khaw hai ai.

SAM 132:5

Aw Areng, Jakob i ati cheaungkhang sa thai nai Tameuh teng vaineng abeu nai ly pany pi jo kyh ba.

SAM 46:11

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

SAM 50:1

Ati cheaungkhang sa thai nai Tameuh, napi nai Areng my leu pei bo. Mymy ly nisi mang dengdairei nidym mang y tym pa-rei, khaileaung pri verei y palau nai ne.

SAM 56:12

Aw Tameuh, kai ly nang teng y leu adeu nai kamta, adeu nai leu khaw hai ai; nang teng y palo nai kapathypra kang talam ai.

SAM 65:1

Aw Tameuh, nang ly chiu sa hnei takeng naichi ai pathang pi reng nai deaungkho y, kaichi ly Zion mary y nang ai palo ai ataing nai ne.

ISAIA 49:26

Kai ly nang ai pahyp y naimy ana nai khumichi ai, mychi tengtawi atleh hai iy, kasa them hai ai. Huna nai khala kai ly nangchi ai atleu nai keung Areng ne, nanai khumi bawibawichi my pany u ai. Kai ly Israela chengchi i sa thai naira awm nai keung Tameuh ne, nanai nichi pany u ai,” napi.

ISAIA 60:16

Amhm ly chanau ai kanu panei nai kamta, khumi cheng cheaungkhangchi i samrangchi ly nang ai ang kry u ai. Kai, Areng ly nang ai atleu bo, nanai py, Israela chengchi i ati cheaungkhang sa thai nai Tameuh ly nang ai miseaungra i nai alaw hai bo, nanai py, nang ly pany ai.