SAM 132:11 - Khumi Common Language Bible

¹¹ Nangmy, “Kai ly nang i chapo leaung leaungrei ai samrangra y kapalyn ai; ni ly nang i meingtym amtym ai; nang i chapochi ly kai i Leu Maikawm ai kry iy, kai i leu pei naichi tangai u lawh baly, ni i chapochi py nang i meingtym amtym ai.

SAM 132:11 ပူးပေါင်းရင်းမြစ်များ

2 SAMUELA 7:12

Nang ly dei iy ngamsichi hawi vanrei a-up nai khala y, kai ly nang i chapochi theung i leaungrei ai samrang palyn ai i, ni i pri khaw hai ai.

2 SAMUELA 7:14

Kai ly ni i ampo lawm iy, ni ly kai i chapo lawm ai. Ni ly sa tamang nai khala y, ampo my chapo ai parip nai kamta, ni ai kaparip ai.

2 SAMUELA 7:16

Nang i kangpreang ly mana khala py, myh kang y naimy nang i pri ly deungtasa khaw hai jo ai. Nang i peang nai haiho ly mana khala py jum veng ai ny y,’ nanai leu pei nai amti pi,” napi.

1 ARENG KEH 1:48

‘Kai i kangpreang theung i leaungrei ai samrang y palyn pi nai khyh chang y i, kai ai py hunichi niu ai nai pei nai keung, Israela chengchi i Areng Tameuh ai palo u sina,’ nanai chiu sa bo,” nanai pathang.

1 ARENG KEH 8:25

Aw Israela chengchi i Areng Tameuh, nang ly kai i ampo Davida teng y, nang i katu chanauchi ly nang kamta kai ai tahm khai iy leu tangai u baly, mana khala py Israela pri y nang i kangpreangchi theung i, samrang avaw by ai ny y,’ nanai adeu nai kamta vai, so pi kyh ba.

2 NENG SATANG 6:16

Aw Israela chengchi i Areng Tameuh, nang ly kai i ampo Davida teng y, ‘Nang i kangpreangchi ly nang kamta reita leu hawihai palai tangai baly, Israela pri y nang i samrang kangpreang mana khala py avaw by ai ny y,’ nanai leu adeu nai py khaw hai ba.

2 NENG SATANG 7:18

nang i ampo Davida teng y, ‘Israela pri y nang i samrang kangpreang ly mana khala py tem ai ny y,’ nanai kai i adeu nai khaw hai ai.

SAM 110:4

“Nang ly pathyp pi nai keung kalen keh Melkhizedeka kamta, deungtasa pathyp pi nai keung lawm ai,” nanai Areng my vaineng abeu iy adeu pi nai ne i, huni adeu nai ly phra ai ny y.

SAM 89:33

Na i py kai ly Davida ai tamen jojo ai; ni teng y kaimy leu adeu nai ai py taphra ai ny y.

SAM 89:35

“Kai ly mana khala y py Davida ai tapawp nai leu thui ai ny y, nanai kaimy i amyn kachai y tlenreira my tem pa-rei leu adeu nai ne.

SAM 89:37

Ni i pri ly kani mang y khaw jo nai lo kamta, khaw naimy awm jojo ai,” napi.

SAM 89:5

Kani pri ichi ly nang i rengrang sa nai satangchi ai khulym thui u bo; aw Areng, khumi kachaichi ly nang i ka-ym awm nai satang khulym thui u nai ne.

Kati Nai 23:19

Tameuh ly khumi kamta ka-chawi leu thui y leang; mymy ly khumi kamta paleung ali vui y leang. Mymy ly leu adeu nai kamta sa khyp; mymy i leu pei nai kamta py ne khyp.

LUKA 1:32

Mymy ly khumi kalen lawn ai i, salo kangteng i Chapo napi ai; Areng Tameuh my mymy i amsi Davida i areng atehra ly pei ai;

AMTAW 2:30

Ni ly amo ne i, Tameuh my ni i phai bawi kamji khumi ami ai mo ni i areng atehra tleaung y ateh hai ai, nanai vaineng abeu naimy thui, nanai ni ly pany.

HEBRAI 6:18

Hunaibaly Tameuh ly ka-chawi thui ai nai vuilam ny y nai, pipi palai lawh thai y naira nyhrei tabom nai deaungkho y, achi, lawi naira hau naichi ly achi i mo y athang khai naira ang khai pi nai ai ly patawn thleng thai ai nai, khri pa-rei khaw hai naira nga thai ai.

1 SAMUELA 15:29

Israela chengchi i nang parai nai Tameuh ly ka-chawi thui y, paleung py amtlau vai y leang; mymy ly khumi kamta, mymy i paleung amtlau vui ai ny y,” napi.