SAM 126:4 - Khumi Common Language Bible

⁴ Aw Areng, kanitui ly tui kang nai tavo micheaungchi ai tui kawi hai teang nai kamta, kaichi ai nang chawn ai nai pei ali teang kyh ba.

SAM 126:4 ပူးပေါင်းရင်းမြစ်များ

SAM 126:1

Achi ai Jerusalem mary y ang pahawi ali teang nai ly amang kamta ne!

SAM 85:4

Kaichi ai atleu nai keung aw Tameuh, kaichi ai ali hai teang kyh ba; kaichi ai khrei y nai awm vui moh ba!

ISAIA 35:6

Kheu kangbaichi ly achaw u ai; leu ka-achi py amo theu naimy aeu u ai. Daichi ka-vymra y tuino achawn iy, micheaung tui leaung ai.

ISAIA 41:18

Kai ly ati sai py prau y nai mawi aheungchira y tavochi lawm hai iy, leaunghawichi hawi tavo micheaungchi lawm hai ai. Kai ly khutaha daichi ka-vym y tuipumchi lawm ai nai py, khutaha khaileaungchi ai, tuikhochi lawm ai nai py, amtlau hai ai.

ISAIA 43:19

Kai i sa ai nai leaungsai kangthachi ai ajeng u. Hunichi ly ang tym dudu nai deaungkho y, huni ai vai nangchi niu u na a! Kai ly daichi ka-vym y lam sa pi prei iy, nangchi teng y tuino leaung hai ai.

JEREMIA 29:14

Nangchi ly kai ai avum angchi khyp ai i, kai py nangchi ai nangmychi i pri y kang pahawi ali teang ai. Kai ly nangchi ai ahei hai nai pri neangneangchira i nai pangym ali teang ai. Hunaibaly nangchi ai langheng y hawi ai nai patiu nai pri y, kang pahawi ali teang ai. Hini ly kai Areng i thui nai leu ne,’ napi.

JEREMIA 30:3

Ati mana nai mo nabaly kai i khumi Israela chengchi hawi Juda chengchi ai, kaimy palum teang ai nai neng tym ai nai deaungkho y ne. Kai ly nichi ai, mychi i amsi pajochi teng y pei nai pri y pahawi ali teang ai i, nichi ly huni pri amtym u ali teang ai. Hini ly kai, Areng i thui nai leu ne,” napi.

HOSEA 1:11

Juda pri khumichi hawi Israela pri khumichi ly amkawm u ali teang ai. Nichi ly mychi i vui lu sa nai keung leaungrei vawi takhra u ai. Nichi ly mychi i prira y nang chawn u ai. Jezarela i kani ly kani kalen lawm ai,” napi.

JOSUA 3:16

tui leaung nai anawn vui i, tavo syh mang palo kyh naira y awm nai Zarethan mary ahawi i Adam mary y tui am-eng cheng nai ne. Pangli kadei tym pa-rei leaung nai tavo tui ly kang vui nai deaungkho y, khumi bawibawichi ly Jeriko mary sahawi i tavo vai mang y angpeang u thai nai ne.