SAM 126:1 - Khumi Common Language Bible

¹ Achi ai Jerusalem mary y ang pahawi ali teang nai ly amang kamta ne!

SAM 126:1 ပူးပေါင်းရင်းမြစ်များ

JOBA 42:10

Huna nai Joba ly my i ahawi leaung thomrei i vui chiu sa pi chum nai khala, Areng ly ni ai nang chawn hai teang i, vaichi khala i tleaung y phy nyhrei, yhmtheaung katuichi pei pi nai ne.

JOBA 9:16

Mymy ly kai ai huna nai kamta, ahui ai nai pei teu i py, kai i ahui nai tangai pi ai, nanai kai ym y.

SAM 120:1

Kai ly patang naira avum nai khala y Areng ai kapalau i, mymy ly pathang pi bo.

SAM 121:1

Kai ly mawichi mang y khen angdeang bo; kai ly ma mang i nai sabawm naira nga ai mo?

SAM 122:1

Nichi my, “Achi ly Areng i yhm y chei u sina,” nanai thui nai khala y, kai ly amo theu parai nai ne.

SAM 123:1

Aw Areng, nang i peang nai kani pri mang y, kai ly khen angdeang bo.

SAM 124:1

Areng my achi mang y awm pi y lawh ai nabaly, mana sa ai mo? aw Israela chengchi awi, pathang u!

SAM 125:1

Areng ai ym nai khumichi ly mana khala py asyh pajau y nai khaw jojo nai Zion mawi kamta lawn u bo.

SAM 14:7

Israela chengchi ai atleu nai pahenra ly Zion mawi i dengdairei theu hai sy. Areng ly Israela chengchi ai amtheaung hai aliteang nai khala, nichi ly khri pa-rei amo theu u ai!

SAM 53:6

Israela chengchi ai atleu nai pahenra ly Zion mawi dengdairei theu hai ai nai, kai ly paleung apei parai naimy chiu kasa bo. Tameuh ly Israela chengchi ai nang chawn hai ali teang nai khala, nichi ly khri pa-rei amo theu u ai.

SAM 85:1

Aw Areng, nang ly nangmy i pri ai pahen ba; nang ly Israela chengchi ai nang chawn hai teang bo.

SAM 85:2

Nang ly nangmy i khumichi i kamngochi pahen pi bo i, nichi i tamang naichi ai py pahen pi bo.

JEREMIA 29:14

Nangchi ly kai ai avum angchi khyp ai i, kai py nangchi ai nangmychi i pri y kang pahawi ali teang ai. Kai ly nangchi ai ahei hai nai pri neangneangchira i nai pangym ali teang ai. Hunaibaly nangchi ai langheng y hawi ai nai patiu nai pri y, kang pahawi ali teang ai. Hini ly kai Areng i thui nai leu ne,’ napi.

JEREMIA 33:26

Huna nai kai i kateng sa nai kamta, Jakob i kangpreangchi hawi py, kai i miseaung Davida hawi py, asa nai Leu Maikawm khaw hai jo ai. Kai ly Abraham, Isaka hawi Jakobchi i kangpreangchi ai peang ai nai, Davida kangpreang theung i leaungrei ai vawi takhra ai. Kai i khumichi ai nang chawn hai teang ai. Kai ly nichi i tlang tleaung y kapahen ai,” napi.

HOSEA 6:11

“Juda khumichi awi, nangchi sa nai kamngochi molam y, nangchi ai py pajeng ai nai neng kani khai yb bo.

JOELA 3:1

Areng my, “Huna nai khala kai ly Juda pri hawi Jerusalem mary y nang chawn hai teang ai.

MARKA 16:11

Na i py mymy ly heng teang, nanai hawi, ni ly mymy ai niu bo, nanai py thai u nai khala y ly ym u y.

LUKA 24:11

Na i py nichi ly huni leu ai ly leu rumrang nai palawn i ym pi y.

LUKA 24:41

Naibaly nichi kawn ala nai ym y asai rai, rengrang tlai napi nai thym khala y mymy ly nichi teng y, “Hi y atiti cha ai nai awm a?” napi.

AMTAW 12:9

Naibaly mymy ly theu i abang bo, kani pri i amtaw thau nai i sa nai sai ly ameimang ne, nanai pany y i, amang mang y niu nai mo, nanai palawn lawh.

Leu Thui Nai 30:3

nangchi i Areng Tameuh ly nangchi ai ang pahen ai. Huni bo y mymy ly pri tleirei y ahei nai nangchi ai ang pahawi ali teang ai, naibaly mymy ly nangchi ai amtheaung hai ali teang ai.