SAM 125:3 - Khumi Common Language Bible

³ Khumi aso y naichi ly khumi kahawichi i pri y, peang jojo ai nai ngo y ai; huna nai peang u lawh baly khumi kahawichi malawn py, hawi y naira sa tan sa u lym ai.

SAM 125:3 ပူးပေါင်းရင်းမြစ်များ

SAM 103:14

Mymy ly achi i tlang ai ati hawi sa nai mo, nanai pany; achi ly spryh ne, nanai mymy ly pany.

SAM 103:9

Mymy ly sa tamang nai y avawrei jo preng y; mymy ly kado theu jojo y leang.

SAM 55:20

Kai i ahawi kangngym ly my i ahawichi ai tiu iy, my i adeu nai py taphra bo.

SAM 89:22

Ni i paleung ka-echi ly ni ai mana khala py, tiu pajau ai ny y; khumi aso y naichi ly ni ai tiu pajau ai ny y.

LEU KACHENG 22:8

Adyh adawi y nai ti hei nai khumi ly patang nai amti amjangchi pakym achu ai. Huna nai khala ni ly ami i tlang tleaung y ana nai sai anawn ai.

ISAIA 10:5

Areng my, “Aw Asuria chengchi awi, kai i kado theu hai nai khumichi tlang tleaung y, nangchi ly samtleang lawm ai nai kaimy teaung ai.

ISAIA 27:8

Areng ly mymy i khumichi ai pri pala iy pajeng nai ne. Mymy ly nichi ai nisi mang dengdairei aho nai ali kamchai theung y pakheang vui nai kamta, mychi pri dengdairei kamlo y tha vui bo.

I KORINTH 10:13

khumi i kham pajau ai nai ryrei ny y baly parawi naira nanai ly nangchi i tlang tleaung y pipi tym vai y leang. Na i py Tameuh ly ka-ym awm nai ne, ni my ly nangchi kham pajau ai nai ryrei ny y baly parawi naira avum ai nai pei y ai; na i py nangchi kham pajau thai ai nai, parawi naira hawi vanrei nangchi i theu ai naira lam ang sa pi ryp ai.

AMTENG HAI NAI 2:10

Nang i tlang tleaung y vai tym ai nai patang naira takhra takhra jei moh: khen cham, nangchi ai ang parawi thai ai nai diabola my ly nangchi theung y phyreichi ai theaung y tla hai ai bo; naibaly nangchi ly kani horei sala y patang py patang ai. Na i py dei pa-rei ka-ym awm ba, hunaibaly heng naira areng lukhym kang pei ai mang.

1 SAMUELA 24:10

Areng ly vaimy nang ai, kai i kiu y au bo, nanai nangmy niu pajau nai ne. Kai i khumi phyreichi my, nang ai padei vui ai nai ang napi. Na i py kai ly nang i vui paleung hawi y nai deaungkho y, nang ai ka-jeira maidenreichy py tym hai ai nai ngai y. Ati mana nai mo nabaly nang ly Areng my khai takhra nai samrang ne nai deaungkho y ne.