SAM 122:9 - Khumi Common Language Bible

⁹ Achi i Areng Tameuh i yhm molam y, nang i vui nang chawn naira nga ai nai chiu sa pi nai ne.

SAM 122:9 ပူးပေါင်းရင်းမြစ်များ

1 NENG SATANG 29:3

Kai ly hini katalamra vawnsai bawibawichi bo y, kaimy i muku hawi tangka py katalam nai ne. Ati mana nai mo na baly kai ly Tameuh i Achura yhm ai khri pa-rei khrei nai deaungkho y ne.

NEHEMIA 13:14

Aw kai i Tameuh, nang i Achura yhm i vui hawi Achura yhm y chiu sa achu nai molam y, kai i sa nai leaungsaichi pany pi jo kyh ba.

NEHEMIA 2:10

Na i py Beth Horon mary i Sanbala hawi, Ammon pri ka-peangra i miteaung keh Tobiah nini ly Israela chengchi ai kahawi sa ai nai khumi leaungrei ang tym, nanai thai baly nini ly khri pa-rei kado theu hawi bo.

ESTHER 10:3

Juda cheng Modekai ly samrang Ahasuru bo baly, pri ka-peang theung y haiho lenkeh nai khumi ne. Ni ly Juda chengchi my khrei iy tahm khai nai khumi py ne. Ni ly mymy i khumichi hawi ai nai hawi, mymy i katu chanauchi chymme ai nai sa pi nai khumi ne.

SAM 26:8

Aw Areng, kai ly nang parai nai meingtym, napi nai nang i awm nai yhm y ngai parai bo.

SAM 69:9

Nang i Achura yhm ai dawn ryh patyh nai ly kai i paleung theung y mai kamta angveaung na bo; nang ai mei aniu nai katheu naichi ly kai ai mei aniu y nai leu katheu naichi ne.

SAM 84:10

Nang i Achura yhm y kanirei awm ai nga nai ly meingtym takhra y kani sangrei awm nai tleaung y hawi keh. Tameuh i yhm y katheu pa-kho typ ai nga nai ly khumi aso y nai i yhm y awm nai tleaung y hawi keh nai ne.

JOHAN 2:17

Abangnaichi my ly, “Nang i yhm kadawn patyp nai ly kai ai cha krai ai,” nanai adawn u vau.