SAM 12:5 - Khumi Common Language Bible

⁵ Areng my, “Na i py khumi kamawnchi ly ana pumpi naira avum u nai py, ana piupa naira avum nai khumichi ly no patang naira hawi tangam u nai deaungkho y, kai ly vaimy jeu praw ai. Nichi i kadeaung nai law tleaung naira ai, nichi teng y kaimy kapei ai,” napi.

SAM 12:5 ပူးပေါင်းရင်းမြစ်များ

JOBA 5:15

Na i py Tameuh ly khumi kamawnchi ai deira i nai, khumi kamawn kateuchi ai ana naira i nai atleu bo.

JOBA 5:21

Tameuh ly nang ai li-tapawp nai hawi, tahm panem nairachi dengdairei ama hai iy, khri pa-rei patang hai naira tym nai neng khala py atleu bo.

SAM 10:12

Aw Areng, ang thau ba; aw Tameuh, huni khumi aso y naichi ai pajeng kyh ba. Ngari kamtang avum naichi ai tami moh kyh ba!

SAM 10:18

Ana patangra avum nai khumichi hawi nurochi ai, mo mang y pajei bi y ai nai, nang ly nichi i aeu nai raawi tangai pi iy, nichi hawi ai nai molam tara chih pi ai.

SAM 10:5

Khumi aso y naichi ly sa naira tleirei y eaung nai deaungkho y, Tameuh i tara chih naichi ai pany thai y leang. Paleung ka-echi ai py panui hai reng nai ne.

SAM 31:19

Nang ai jei naimy tahm khai nai khumichi i vui pateung pi yb nai hawi nairachi ly khri pa-rei lyh ai hawi parai na ly! Nang ly hawi, nanai py, nang teng y abyh nai khumichi ai ama hai, nanai py, khumi bawibawichi my pany u bo.

SAM 34:6

Jeaungmang nai khumichi ly mymy ai palau u nai khala, mymy pathang pi iy, nichi ai ngari kamtangchira i nai atleu bo.

SAM 73:8

Nichi ly khumi takhrachi ai panui hai iy, chai y nairachi katheu u; paleung len iy khumi takhrachi ai ana pumpi ai nai dawn pasym u bo.

THEU NAI 5:2

Samrang my ly “Huni Areng ly ami mo? Kai ly ati mana nai y huni Areng i leu tangai iy, Israelachi ai chei ai nai pei ai mo? Kai ly huni Areng ai pany y nai deaungkho y Israela chengchi ai pato pajau y leang,” napi.

LEU KACHENG 14:31

Khumi kamawnchi ai ana nai khumi ly nichi ai sa nai keung Tameuh ai mei aniu y nai ne; na i py khumi kamawnchi ai pahen reng nai khumi ly Tameuh ai chiu nai ne.

LEU KACHENG 18:21

Nang i katheu nai leu ly heng hai ai nai, dei hai ai nai sa thai naira awm. Hunai deaungkho y nang ly nangmy i katheu nai leu kamta hawi nai hawi y nai avum ai.

Parip nai leu 4:1

Naibaly kai ly hini khaileaung pri i adyh adawi y nai sai kakhen lawh bo. Ana patang naira avum nai khumichi ly vo u; nichi ai sabawm ai nai khumi leaungrei py by y. Ati mana nai mo nabaly nichi ai ana nai khumichi ly sa thai naira awm nai deaungkho y ne.

Parip nai leu 5:8

Pri peang nai keungchi my khumi kamawnchi ai ana nai py, nichi i nga ai avo nai pei pi y nai hawi ka-dyh ka-dawi so pi y nai py, nang niu nai khala rengrang ti moh. Miteaung kehchi malawn py mymychi tleaung y len nai khumichi i ama hai nai anui y awm u nai ne.

ISAIA 19:20

Hunichi ly Aikupta pri y ati cheaungkhang sa thai nai keung Areng awm, nanai pany hai nai ka-ma-rachi lawm ai. Khumi mipuichi ly ana nai avum iy, Areng teng y kasabawmra nga ai nai aeu u nai khala y, mymy ly nichi ai atleu ai nai khumi leaungrei pato pi ai.

ISAIA 33:10

Areng ly khumi cheng cheaungkhangchi teng y, “Vai, kai ly bawi la iy kang sa ai. Kai i sa thai naira len nai kang patei pi ai.

Ezekiela 18:18

Ni i ampo ly li-tapawp iy ami i yhmtheaung ai kamjau kamteang lawm naimy khumichi tlang tleaung y hawi y naira sa aninau nai deaungkho y, amy i kamngo molam y dei nai ne.

HOSEA 7:16

Nichi ly kai ai khai su iy sa thai naira by y nai tameuh teng y ahihawi u bo. Nichi ly akawi nai thailiho kamta, ka-ym by y. Nichi i lu sa naichi ly khumi aniu y nai leu katheu u nai deaungkho y, dei kahawi dei u y ai. Hunaibaly Aikupta chengchi my panui hai ai.”

JAKOB 5:4

Khen cham, nangchi hlau choh tyh tham naichi ai tapawp nai pei y nai vang ly aeu; naibaly choh tyn naichi i aeu nai ly Mipuichi i Areng Tameuh i kano y kun bo.

TARA CHIH NAI KEUNGCHI 10:16

Hunai deaungkho y nichi ly cheng takhrachi chiu nai tameuhchi ai khai su iy, Areng ai chiu u ali teang bo. Mymy py nichi i avum nai patang naira molam y pahen pi bo.