SAM 119:9 - Khumi Common Language Bible

⁹ Thawndeang deaungdichi ly chai pyn pa-rei mana heng pajau ai mo? Nang i reita leu pei naichi tangai baly. chai parai naimy awm pajau nai ne.

SAM 119:9 ပူးပေါင်းရင်းမြစ်များ

2 NENG SATANG 6:16

Aw Israela chengchi i Areng Tameuh, nang ly kai i ampo Davida teng y, ‘Nang i kangpreangchi ly nang kamta reita leu hawihai palai tangai baly, Israela pri y nang i samrang kangpreang mana khala py avaw by ai ny y,’ nanai leu adeu nai py khaw hai ba.

JOBA 1:5

Pawi lui nai tleirei kani pa-nyh khawn y Joba ly kangthodyh ang thau iy, chapo chaniuchi i vui kachai sa nai kapathyprachi talam pi reng. Huna nai kamta Joba i sa nai sai ly mymy i chapo chaniu leaung leaungrei my, Tameuh ai dawndan y nai, mei aniu y nai kamngo so lawh na, nanai paleung mawn nai deaungkho y ne.

JOBA 13:26

Nang ly kai ai khri pa-rei ka-awi sa ai nai atho sa bo; kai deaungdichy khala i sa tamang naichi molam y neng hai bo.

SAM 119:11

Kai ly nang i tlang tleaung y kamngo so y ai nai, kaimy i paleung theung y nang i reita leu ai kapateung me bo.

SAM 17:4

Kai ly khumi takhrachi kamta, chai y nai leu katheu y; nang i reita leu tangai nai ne. Ta-li ta-phang sa nai lam mang y py abang y nai ne.

SAM 25:7

Hawi thym hawisai thym khala y kai i sa tamang nai kamngochi hawi, kateng so y naichi ai pahen kyh ba. Nang ly khaw parai nai tamen naira awm iy, neaung hawi nai sai molam y, kai ai pany jo kyh ba.

SAM 34:11

Deaungdi ahawichi awi, kai teng y jeu iy kai i leu tangai u; Areng ai tahm khai thai ai nai, nangchi ai kaimy kang patiu pi ai.

LEU KACHENG 1:10

Deang awi, kamngo sa naichi ly nang ai parawi nai khala, paleung apei moh.

LEU KACHENG 1:4

Hunichi ly pany nai sai angym y nai khumi ai dawn pany thai naira pei nai ne. Deaungdichi ai py tau cheng naira hawi leu meitang nga hai pajau.

LEU KACHENG 2:11

Nang i pany praw thai nai cheng naira hawi, pany thai naira my ly nang ai ama hai ai.

LEU KACHENG 4:1

Deangchi awi, ngampo kai i patiu pi nai leu tangai u. Pany thai ai nai hawihai palai tangai u.

LEU KACHENG 7:7

pany nai sai angym y nai thawndeang deaungdi neangneangchi ai kaniu bo. Na i py hunichi theung y khumi ka-khum leaungrei ai khen patawm nai ne.

Parip nai leu 11:9

Nangchi thawndeang deaungdichi awi, hawi thym khala amo theu naimy awm u; saneng theang nai thym khala amo theu nai awm u; sa ai ngai naichi sa naimy, amy i paleung kangai su u. Na i py Tameuh ly nangchi i sa nai saichi molam y, nangchi i tlang tleaung y tara ang chih ai, nanai pany u jo ba.

LUKA 15:13

Naibaly kani kra y naimy chapo deungdi keh my ly mymy i vui yhmtheaung bawibawi la achu iy, pri kamlo paraira y chei vui; hu y ly saw ala nai yhmtheaung pasum ryry atyhtyh.

JOHAN 15:3

Kai i nangchi teng y leu thui nai deaungkho y nangchi chai ryp bo.

Leu Thui Nai 17:18

Ni ly samrang atheng nai khala y, Levi theaung pathyp pi nai keungchi teng y kry nai Tameuh i reitachi hawi patiu naichi abawi nai, angchei i kuchira i tapeang iy atawm ai nai tla.

II TIMOTHEI 2:22

Hunaibaly thawndeang thym khala i ngai phi teng y nairachi ai ly angpreng veng, naibaly paleung kamchym y Areng ai palau nai ngiereichi hawi vanrei hawi naira hawi, ym naira hawi, tamen naira hawi, aly naira py hui jojo.

JOSUA 1:7

Atho sa iy vam parai naimy awm ba. Kai i miseaung Mosi my pei nai reita bawibawichi ai takhawi y naimy kry ba. Reita leu pei nai ngierei ai ati sai py takhawi y naimy kry baly, nang ly nangmy dawn nai kamta eaung ai.