Areng ai jei kaji naimy tahm khai nai ly hawi parai nai ne i, deungtasarei khaw jojo ai. Areng i tara chih nai sai y teng parai nai ne i, deungtasarei adyh adawi nai ne.
Kai i paleung ka-e, khumi katapawpchi i sum nai molam y, paleung ateng hai ai nai pei pi moh. Ati sai py ny y naimy kai ai niu ngai y nai khumichi ai ly kai i paleung si nai molam y panui hai ai nai pei pi moh.
Kai ly atho di naimy ngari patang nai ne; aw Tameuh, kai teng y jeu kaliki kyh ba; nang ly kai ai atleu nai keung kai i Areng ne; kai ai sabawm ai nai jeu kaliki kyh ba!
Hawi naira ai hawi y naira my atleu pajau na a? Na i py nichi ly kai tla ai nai hum angawm tai u lawh. Kai ly nang teng y jeu iy nichi ai kado theu hai y ai nai, nichi i jeng y kang takeng nai ly pany pi jo kyh ba.