SAM 119:81 - Khumi Common Language Bible

⁸¹ Aw Areng, kai ly nangmy atleu ai, nanai ajeng i atho khei be bo; kai ly nang i leu ai ym nai ne.

SAM 119:81 ပူးပေါင်းရင်းမြစ်များ

JOBA 19:27

Kai ly kaimy i mei hawimy, mymy ai kaniu ai. Kai ly ni i tlang tleaung y meimai ahangkam ai ny y. Nangchi my,

SAM 119:114

Nang ly kai i ama hai naira hawi abyhra ne; kai ly nang i adeu nai leu ajeng naimy awm bo.

SAM 119:20

Kai ly nang i tara chih pi nai saichi ai neng tleirei, paleung theung y kadeaung naimy awm bo.

SAM 119:40

Kai ly nang i reita leu pei naichi tangai ai nai khri pa-rei ngai; nang ly leu meitang ne nai deaungkho y, kai ai heng ai nai pei kyh ba.

SAM 119:41

Aw Areng, nang ly kai ai mana tanrei tamen mo, nanai patei ba; nang i leu adeu nai kamta, kai ai atleu kyh ba.

SAM 119:42

Huna nai khala kai ai khumi aniu y naichi ai, vawitheung tha pajau ai; ati mana nai mo nabaly kai ly nang i leu ai ym nai deaungkho y ne.

SAM 119:43

Kai ly nang i tara chih nai saichi ai ajeng nai ne i, neng tleirei ka-ym awm nai leu thui pajau ai nai kai ai sabawm ba.

SAM 119:74

Kai ly nang i adeu nai leu ym nai deaungkho y, nang ai jei naimy tahm khai nai khumichi ly kai ai niu iy amo theu u ai.

SAM 119:77

Kai ly nang i reita leu ai paleung apei nai ne i, kai ai pahen kyh ba; hunaibaly kai ly heng ai.

SAM 130:5

Kai ly Areng i sabawm naira ajeng nai ne; mymy i adeu nai py ym bo.

SAM 73:26

Kai i tlang hawi paleung ly atho di ai; na i py Tameuh ly kai i ham naira ne; kai ly nang ny y baly ami ai py aly ngai y.

SAM 84:2

Huni meingtym y awm ai nai ngai parai! Kai ly Areng i Achura yhm i lengseaung apai ai kadeaung nai ne. Tameuh kangheng teng y, kai ly tlang phailo verei amo theu naimy palo nai khulym thui ai.

Solomon i khulym 5:8

Jerusalem mary i neampachychi awi, kai i khrei nai keung ai nangchi avum u lawh baly, kai ly khrei phi nai paleung akawm naimy awm jo bo, nanai amti pi ai nai leu adeu u ba.