SAM 119:78 - Khumi Common Language Bible

⁷⁸ Paleung len amlyh nai khumichi ly kai ai ka-chawi naimy seu u nai molam y kangji ngo u sy; kai i vui ly nang i patiu pi naichi adawn pasym ai.

SAM 119:78 ပူးပေါင်းရင်းမြစ်များ

SAM 1:2

Nichi ly Areng i leu pei naichi tangai iy vum kanithun dawn ryhpatyh naira y amo theu u reng.

SAM 109:3

Nichi ly kai ai atyhtyh naimy tiu iy, kai i hawi y nai satangchi ai amthang hai u bo.

SAM 119:15

Kai ly nang i reita leaungsaichi ai dawn pasym naimy, nang i lam patei naichi ai dawn patyp jojo ai.

SAM 119:21

Nang ly paleung len amlyh nai khumichi ai parip patyp nai ne; nang i reita leu pei naichi tangai y nai khumichi ly taham si u bo.

SAM 119:23

Peang nai keungchi ly kai ai ka-awi sa ai nai arum u bo; nang i miseaung kai ly nang i reita leaungsaichi dawn pasym ai.

SAM 119:51

Paleung len amlyh nai khumichi ly kai ai avawrei panui hai teu i py, kai ly nang i reita lam i nai hi vui y leang.

SAM 25:3

Nang ai ym nai khumichi ly sum naira avum u y ai. Nang ai tiu ai nai panga y naichi naini sum u ai.

SAM 35:26

Kai i patang nai molam y paleung amo theu nai khumichi ly khri pa-rei sum iy, ahei u phro na sy. Mymychi ai kai tleaung y hawi keh, nanai thui nai khumichi ly kangji nga iy meimai phra u na sy.

SAM 35:7

Nichi ly atyhtyh naimy kai i vui deaung pateung iy, kai ai patiu ai nai angawm kathiu tai u bo.

SAM 69:4

Kai ai atyhtyh naimy niu ngai y nai khumichi i vuikanai ly kai lura i sam tleaung y malawn py nawi nai ne. Katapawp leu thui iy kai ai ka-jo hau nai khumichi ly atho awm parai nai ne. Kai ai padei ai nai ngai u bo. Kai ly kapaviu y nai vawnsaichi ai, nichi teng y kapei ai nai tla bo.

JEREMIA 50:32

Amlyh am-e nai nangchi i pri ly athei iy atlym ai. Angthau teang ai nai nang ai ami py sabawm ai ny y. Kai ly nangchi i marychi ai mai kang hai ai i, nangchi tengpang sahawi y awm nai ngiereichi ly phra ai,” napi.

JOHAN 15:25

Ati py ne sy mychi i Reita y, ‘Nichi ly ati sai py ny y pui naimy kai ai niu ngai y,’ nanai leu tajiu nai tym ai nai na a hi ly.

I PETERA 2:20

Nangchi ly kamngo sa iy ang tabeang nai khala kham tanga baly ati palo naira awm mo? Na i py nangchi ly kahawi sa nai patang iy kham tanga baly Tameuh i ka-kawn ne.

1 SAMUELA 24:17

Naibaly ni ly Davida teng y, “Nang ly teng iy kai ly tamang bo; kai ly nang ai hawi y parai nai sa i py, nang ly kai ai pahen lawh ly!

1 SAMUELA 26:18

Naibaly Davida my teang, “Samrang nang ly ati mana nai nangmy i miseaung kai ai patiu ai nai hau jojo lawh mo? Kai ly ati hawi y nai kasa lawh mo?