SAM 119:73 - Khumi Common Language Bible

⁷³ Nang ly kai ai sa iy chymme naimy khai bo; nang i reita leuchi pany thai ai nai, kai ai cheng naira pei kyh ba.

SAM 119:73 ပူးပေါင်းရင်းမြစ်များ

1 NENG SATANG 22:12

Nang i Areng Tameuh ly nang ai mymy i leu pei nai kamta, Israela pri y peang kawp ai nai pany thai praw nai cheng naira hawi tau cheng naira pei na sy.

2 NENG SATANG 2:12

Kani hawi khaileaung sa nai keung Israela khumichi i Areng Tameuh ai ly palo nai awm sy! Mymy ly Davida teng y cheng naira awm nai chapo leaungrei pei pi bo. Huni chapo ly vai, Areng i vui Achura yhm hawi mymy i vui samrang yhm sa ai nai paran bo.

JOBA 31:15

Kai ai sa nai Tameuh ly kai i miseaungchi ai py sa nai keung ne.

JOBA 32:8

Na i py khumichi ai cheng naira pei nai keung ly ati cheaungkhang sa thai nai Tameuh i phailo ne.

SAM 100:3

Areng ly Tameuh ne, nanai pany u. Mymy ly achi ai sa iy, achi ly mymy i ne. Achi ly mymy i khumichi ne; mymy kry nai beram kanghuchi ne.

SAM 111:10

Areng ai jei kaji thai nai ka-dawn ly cheng naira i pakeung sangum ne; Reita leu patawm nai khumi bawibawichi teng y meitang naimy leu pacheang pajau ai nai, mymy ly pei bo. Mymy ai ly deungtasarei palo u jojo sy.

SAM 119:125

Kai ly nang i miseaung ne nai deaungkho y patiu pi naichi pany thai ai nai, kai ai cheng naira pei kyh ba.

SAM 119:144

Nang i thui parip naichi ly teng jojo; kai ai cheng naira pei kyh ba; hunaibaly kai ly heng ai.

SAM 119:169

Aw Areng, sabawmra nga ai nai kai i aeu nai raawi ly nang teng y tym sy! Nangmy i adeu nai kamta, kai ai pany thai naira pei kyh ba.

SAM 119:34

Nang i reita kai ai thui pi kyh ba; huni ai kai ly tangai ai; paleung hawi verei atyp ai.

SAM 138:8

Nang ly kai teng y adeu pi nai kamta sa pi ai; aw Areng, nang i tamen naira ly deungtasarei ne. Nang i sa amteaung nai kalop ai ly amcheang hai kyh ba.

SAM 95:6

Jeu u, mymy ai lu meung iy chiu u sina; achi ai sa nai keung Areng i mo y, kheukhu di u sina!

II TIMOTHEI 2:7

Kai i leu thui nai ly dawn cham: Areng my ly ati cheaungkhangra y pany thai naira ang pei ai.

JAKOB 3:18

Hawi naira athai ly aly naira sa nai keungchi i vui aly naira tiu nai ne.

I JOHAN 5:20

Naibaly achi ly meitang khyp nai keung pany i, mymy i Chapo Isu Krista meitang khyp nai keung y achi awm, nanai ly Tameuh i Chapo ly ang jeu iy achi ai pany thai naira ang nga hai bo. Huni ly Tameuh meitang khyp nai hawi, deungtasarei hengra py ne.