SAM 119:67 - Khumi Common Language Bible

⁶⁷ Nang ly kai ai pajeng y rai khala kai ly lam tamang lawh teu i py, vai ly nang i leu tangai bo mang.

SAM 119:67 ပူးပေါင်းရင်းမြစ်များ

2 SAMUELA 10:19

Hadadeza i anui y awm nai samrangchi ly Israela chengchi i kiu y mymychi tavai sum u bo, nanai pany nai khala y, Israela chengchi hawi aly ai nai ka-dyh ka-dawi asa i, nichi i anui y awm u. Suria khumichi py Ammon khumichi ai sabawm bi ai nai vam u y leang bo.

SAM 119:176

Kai ly tama nai beram kamta lam tamang bo; hunai deaungkho y jeu ly nang i miseaung kai ai hau kyh ba; kai ly nang i reita leu pei naichi ai tami y leang.

SAM 119:71

Pajeng naira avum nai ly kai i vui hawi khyp; ati mana nai mo nabaly huna nai avum nai molam y kai ly reita leaungsaichi ai pany thai nai ne.

SAM 119:75

Aw Areng, nang i tara chih nai saichi ly adyh adawi nai ne, nanai py, meitang khyp naimy kai ai pajeng, nanai py kai ly pany bo.

LEU KACHENG 1:32

Pany nai sai angym y nai khumichi ly cheng naira ai khai u su nai deaungkho y dei u ai. Khumi hawi y naichi ly ati sai py dawndan y naimy heng u rumrang nai y tama u nai ne.

JEREMIA 22:21

Nangchi nang chawn nai thym khala y, Areng ly nangchi ai pany hai pi bo. Na i py nangchi ly tangai u y. Nangchi ly deaungdichy khala i dengdairei, hina nai kamta sa u jojo. Areng i leu ai mana khala py tangai ai nai ngai u y.

HOSEA 5:15

“Kai i khumichi ly mychi i kamngo molam y patang naira avum iy, kai teng y vawi teang nai neng tym nai ryrei, kai ly nichi ai khai su ai. Nichi ly ngari kamtang avum u nai thym khala, kai ai atho sa naimy hau u ai.”

Leu Thui Nai 32:15

“Areng i khumichi ly nang ra nang ra nai ne, na i py tiu u lawh; nichi ly veung tlang hawi u, teicha teinei kajeu kawi pa-rei cha ai nai nga; mychi ai sa nai keung Tameuh ai khai su iy, sa thai naira awm nai keung ai hi u vui bo.

AMTENG HAI NAI 3:10

Nang ly kai i kham tanga nai leu patawm nai deaungkho y, khaileaung pri y awm naichi ai cham ai nai, khaileaung pri verei y tym ai cham nai neng y ly kapalawi ai.