SAM 119:57 - Khumi Common Language Bible

⁵⁷ Aw Areng, kai ly nang ai naini kadeaung nai ne; nang i reita leu pei naichi tangai ai nai adeu bo.

SAM 119:57 ပူးပေါင်းရင်းမြစ်များ

SAM 119:106

Nang i meitang naimy tara chih naichi tangai ai, nanai kai ly amy i vaineng abeu nai khaw hai ai.

SAM 119:115

Nangchi kamngo sa nai khumichi awi, kai teng i nai theu u pawn; kai ly kai i Tameuh my pei nai reitachi tangai ai.

SAM 119:2

Mymy i thui parip naichi ai sa patawm iy, leu pei naichi ai paleung hawi verei tangai nai khumichi ly taham hawi.

SAM 142:5

Aw Areng, sabawmra nga ai nai kai ly nang ai kang palau bo; aw Areng, nang ly kai ai ama hai nai keung; vai heng nai deung y nang leaungrei ai naini kai ly kadeaung nai ne.

SAM 16:5

Aw Areng, kai i abyhra ly nang leaungrei awm khyh; kai i ngai nai ngiereichi ai py nangmy pei bo. Kai i momang i vui ly nang i kiu tleaung y awm.

SAM 66:14

Kai patang naira avum nai thym khala y, leu adeu nai kamta nang teng y kang talam ai.

SAM 73:26

Kai i tlang hawi paleung ly atho di ai; na i py Tameuh ly kai i ham naira ne; kai ly nang ny y baly ami ai py aly ngai y.

JEREMIA 10:16

Jakob i Tameuh ly mynchi kamta ny y. Mymy ly ati cheaungkhang sa nai keung ne. Israela chengchi ai mymy i khumi kypkyp lawm ai nai vawi takhra bo. Mymy i amyn ly ati cheaungkhang sa thai nai keung Areng ne.

TANGAM NAI LEU 3:24

Areng ly kai i vui ne nai deaungkho y, kai ly mymy ai athang khai.

Leu Thui Nai 18:2

Nichi ly kalang theaungchi kamta, mychi i vui khu by y; nichi i vui nga ai nai phy ly Areng my adeu pi kamta, Areng i vui pathyp pi nai keungchi lawm hai patyp nai ne.

JOSUA 24:15

Leu kabeaung y nangchi ly Areng ai chiu y lawh baly, Mesopotamia pri y nangchi i amsi pajochi my chiu nai tameuhchi mo, ti y baly vai, nangchi awm nai Amori chengchi my chiu nai tameuhchi ai mo, chiu ai nai vaini my vawi takhra u. Kai hawi kai i yhm dengtheungchi ne teu khyly Areng ai naini chiu ai khyh,” nanai thui pi bo.

JOSUA 24:18

Kaichi ly hini pri theung y kun u nai khala, mymy ly hini meingtym y awm nai Amori cheng bawibawichi ai patheu pi pawn bo. Hunai deaungkho y kaichi ly Areng ai naini chiu u ai. Mymy ly kaichi i Tameuh ne,” nanai pathang u bo.

JOSUA 24:21

Khumichi my, “Kaichi ly Areng ai naini chiu u ai,” nanai Josua teng y pany hai u bo.