SAM 119:53 - Khumi Common Language Bible

⁵³ Khumi aso y naichi my nang i reita ai khai su nai niu nai khala y, kai ly kado theu nai ne.

SAM 119:53 ပူးပေါင်းရင်းမြစ်များ

EZARA 10:6

Naibaly ni ly Achura yhm mo i nai ang thau iy Eliashib i chapo Jehohanan i takun mang y chei iy, pri palara i vawi ali teang nai khumichi i leu atangai y nai molam y, vumtorei ati sai py cho y naimy tangam bo.

EZARA 9:14

Kaichi ly nang i reita leu pei naichi tangai y bi naimy, hini amso ngai nai khumichi hawi apom lawh bi baly, nang ly kaichi i tlang tleaung y khri pa-rei kado theu hai iy, leaungrei py tleaung y pa-rei tamyh vui ai ny y a?

EZARA 9:3

Kai ly huni leu thai nai khala y kaimy i ateaungchi kasei iy sam hawi labeaung mui py ka-kyn i, paleung si naimy ka-teh su bo.

NEHEMIA 13:25

Hunai deaungkho y kai ly huni neampachochi ai amsawi amtlau hawi josei naimy, kapakhau nai ne. Nichi i sam py katheng. Naibaly kaichi py, kaichi i cho chanau py, mo mang y ly mana khala py cheng takhra khumichi hawi yhmtheaung kaso y leang bo, nanai nichi teng y Tameuh i amyn y vaineng abeu hai bo.

NEHEMIA 5:6

Kai ly nichi i tangam nai raawi thai nai khala y kado theu i,

SAM 119:136

Khumichi ly nang i reita leu ai tangai u y nai deaungkho y, kai i mei katuichi ly tavo tui kamta leaung na bo.

SAM 119:158

Kai ly leu atangai y nai khumichi ai niu nai khala y, khri pa-rei paso parai; ati mana nai mo nabaly nichi ly nang i leu pei naichi so patawm u y nai ne.

SAM 89:30

“Na i py ni i katu chanauchi ly kai i reita leu ai khai su iy, kai i reita leaungsai ai patawm y lawh baly,

JEREMIA 13:17

Nangchi tangai u y lawh baly, kai ly nangchi i amlyh am-e nai molam y vo paryp ai. Kai ly paleung si nai khri pa-rei vo ai. Ati mana nai mo nabaly Areng i khumichi ly langheng y hawi pawn nai deaungkho y, kai ly meikatui tla ai.

DANIELA 4:19

Naibaly Beltesazar napi nai Daniela ly khri pa-rei kaso theu nai deaungkho y, leu py katheu thai y na bo. Samrang my, “Nang Beltesazar awi, amang hawi amang i awm nai sai molam y kaso theu moh,” napi baly, Beltesazar my, “Samrang awi, huni amang hawi awm nai sai ly nang i vui ny y naimy, nang i paleung ka-echi i vui ne sy.

HABAKKUK 3:16

Kai ly hini leaungsaichi thai baly kaso theu; kai i labeaung teng ly jei nai ahyn thlyhthlyh naimy tlang ly nau vui iy, kheuchi ly atlym khikha na bo. Kaichi ai tiu nai khumichi ai, Tameuh my pajeng nai neng tym pa-rei, kaichi ly awmnem nai my ajeng ai.

II KORINTH 12:21

ti y baly kai kang jeu bi nai khala y kai i Tameuh my nangchi i mo y kai ai tahm panem lawh na, naibaly angchei i atiti kamngo sa nai keungchi theung y atiti chai y nai py, angai nai py, paleaung nai py sa reng nai uikhei ngai y nai khumi neangneangchi ai kai ly vo hai lawh na.

PHILIPI 3:18

Ati mana nai mo nabaly khumi neangneangchi ly tako i,. hunichi ly Krista i kraws paleung ke-echi ne, nanai kaimy nichi i satang ly kang thui pi jojo chy bo, vai py vo nai tarawi y kang thui pi chy bo he;