SAM 119:50 - Khumi Common Language Bible

⁵⁰ Nang i adeu nai ly kai ai heng hai nai ne i, ngari kamtang avum nai khala malawn py, kai ly paleung awmnem naira nga bo.

SAM 119:50 ပူးပေါင်းရင်းမြစ်များ

SAM 119:25

Kai ly sum i, spryhra y atlym nai deaungkho y, nang i adeu nai kamta heng ai nai pei kyh ba.

SAM 119:38

Nang ai jei naimy tahm khai nai khumichi teng y leu adeu naichi ly nang i miseaung kai ai pei kyh ba.

SAM 119:41

Aw Areng, nang ly kai ai mana tanrei tamen mo, nanai patei ba; nang i leu adeu nai kamta, kai ai atleu kyh ba.

SAM 119:92

Nang i reita leu ly kai i vui amo theu naira lawm y lawh baly, kai ly kaimy i avum nai ngari kamtang molam y dei ai nai ne.

SAM 138:7

Kai ai patang nairachi my ang taki meuh nai neng khala malawn py, nang ly kai ai ama hai bo. Nang ly kai i paleung ka-echi kado theu nai paka iy, sa thai naira hawimy kai ai atleu bo.

SAM 27:13

Areng i hawi nairachi hini deung y kai ly niu ai, nanai ym bo.

SAM 28:7

Areng ly kai ai ama hai iy ang kry. Kai ly mymy ai ym bo. Mymy ly kai ai sabawm nai deaungkho y, kai ly amo theu naimy palo nai khulym thui nai ne.

SAM 42:11

Kai ly ati mana nai y hina tanrei paleung atho di ai mo? Ati mana nai y paleung bi paleung mawn ai mo? Kai ly Tameuh ai athang khai ai; kai i atleu keung, kai i Tameuh ai kapalo bi ai.

SAM 42:8

Kanithun neng khala y Areng ly mymy i khaw parai nai tamen naira patei pi na sy; naibaly vum aneng khala kai ly khulym thui iy, kai ai hengra pei nai keung Tameuh teng y chiu kasa pajau ai.

SAM 94:19

Kai ly paleung mawn naimy ka-dawn hawi y nai tym nai khala y, nang ly kai ai paleung awmnem naira pei iy amo theu hai bo.

JEREMIA 15:16

Nangmy leu pei nai khala y kai ly hawihai palai tangai nai ne. Nang i leu pei naichi ly kai i paleung ai kawn hai nai hawi amo theu hai naira ne. Ati cheaungkhang sa thai nai Areng Tameuh, kai ly nang i amyn apu nai ne.

Ezekiela 37:10

Naibaly kai ly mymy i leu pei nai kamta thui pi bo. Huna nai khala khumi kadei veuchi ly taho thai nai ali nga i, heng iy angdo u sau nai ne. Huni khumichi ly tavaimi kamkawm pui lawm na pa-rei nawi bo.

JOHAN 6:63

Phailo ly paheng nai keung ne, tlang ly ati sai py kamran by y leang; hini nangchi teng y kai i leu thui nai ly phailo py ne, hengra py ne.

ROM AVANGCHI TENG Y PAWLA I CHA PA NAI 15:4

Achi ly Tameuh i cha-iu deaungkho y kham pajau naira hawi awmnem naira nga iy, athang khai naira nga thai ai nai, jangni i tajiu nai ngierei ly achi ai ang patiu ai nai tajiu nai ne.

JAKOB 1:18

Achi ly mymy i atiti sa naichi theung y athai man nai kamta lawn thai ai nai, mymy i ngaingai leu meitang i saho y achi ai ang tapen.

I PETERA 1:3

Achi i Areng Isu Krista i Tameuh hawi Ampo ai ly palo nai awm sy. Mymy i khri pa-rei pahen nai reita kamta, kadeichi theung i dengdairei Isu Krista angthau bi nai deaungkho y athang khai naira kangheng hawi,

I PETERA 2:2

deaungdi chymblei nai kamta ly phailo mang i kanu hang, tapawp paryp naira ati sai py tabawi y nai ly khri pa-rei ngai u, hunira y ly hengra ka-lawn pa-rei veang u thai ai nai;