SAM 119:4 - Khumi Common Language Bible

⁴ Aw Areng, nang ly nangmy i Reita leuchi ai kaichi teng y pei iy, hunichi ai sai py takhawi y pa-rei, sa patawm ai nai leu pei bo.

SAM 119:4 ပူးပေါင်းရင်းမြစ်များ

EZARA 7:21

“Kai samrang Artazeret ly kani pri mang y awm nai Tameuh i Reita leu kawp nai pathyp pi nai keung hawi khumi kacheng Ezara i hnei nai bawibawi ai pei u kaliki ai nai Euphrat tavo pui nidym ka-peang i, tangka kry keung bawibawichi teng y leu kang pei.

THEU NAI 7:6

Mosi nini Aron ly Areng i leu pei nai kamta, samrang teng y thui pi bo.

JEREMIA 7:23

Na i py kai ly nichi i Tameuh ne iy, nichi py kai i khumichi lawm ai nai molam y, kai i leu tangai u ai nai reita leu kapei nai ne. Cheaungkhangra y amsym ai nai molam y, kaimy pei nai reita lam y tako u ai nai leu pei nai ne.

Ezekiela 20:19

Kai ly nangchi i Areng Tameuh ne. Kai i Reitachi patawm iy kai i leu pei naichi tangai u.

MATTHAI 28:20

leu kang pei nai bawibawi tangai ai nai nichi ai patiu u. Naibaly khen cham, kaimy kypkyp ly neng tem pa-rei py nangchi teng y kang awm jojo ai,” napi.

JOHAN 14:15

“Nangchi ly kai ai tamen baly kai i leu pei naichi tangai u ai.

JOHAN 14:21

Ami py kai i leu pei naichi tangai iy patawm nai ly kai ai tamen nai keung ne; ami py kai ai tamen nai ly Ngaai my tamen ai, kai py ni ai tamen ai i ni teng y kamteang ai,” napi.

Leu Thui Nai 11:13

“Hunai deaungkho y nangchi teng y vai, kaimy pei nai reitachi phai patawm u; nangchi i Areng Tameuh ai nangchi i paleung hawi verei tamen iy mymy i kalop phai so u.

Leu Thui Nai 11:22

“Kaimy nangchi teng y kang pei nai reita bawibawichi patawm ai nai dawn u. Nangchi i Areng Tameuh ai tamen iy leu pei naichi patawm u ly ka-ym awm u.

Leu Thui Nai 12:32

“Nangchi teng y kaimy kang thui pi nai ngiereichi so u; panawi py panawi bi moh, pajaw py pajaw moh.

Leu Thui Nai 30:16

Kaimy vaini kang pei nai nangchi i Areng Tameuh i reitachi patawm u baly, nangchi ly mymy ai tamen iy, mymy i leu tangai naimy reita bawibawichi patawm u baly, nangchi ly nang chawn ai i, khumi neangneang peung ai. Naibaly nangchi i Areng Tameuh ly nangchi peang ai nai pri y nangchi ai amtheaung hai ai.

Leu Thui Nai 4:1

Naibaly Mosi my Israela chengchi teng y, “Nangchi teng y kaimy kang pei nai reita leu pei nai bawibawichi tangai baly heng hawi ai; naibaly nangchi amsi pajochi i Areng Tameuh my pei nai pri y peang ai iy, hu y awm ai nai nga u ai.

Leu Thui Nai 4:9

Nangchi ly atyp u! Nangmychi kypkyp my niu nai ngiereichi ai, nangchi heng nai ryrei tami y ai nai atyp u. Nangchi i chanauchi hawi katuchi teng y py thui pi u.

Leu Thui Nai 6:17

Mymy i nangchi teng y reita leu pei nai bawibawichi ai nangchi ly tangai iy hawihai patawm u.

Leu Thui Nai 6:3

Aw Israela khumichi awi, huni reitachi tangai u ly patawm u! Huna nai sa baly amsi pajochi i Areng Tameuh my adeu nai kamta, nangchi ly nang chawn iy haiho len nai khumi cheng lawm ai; paitiu khuta hawi nai pri y awm ai nai nga u ai.

JOSUA 1:7

Atho sa iy vam parai naimy awm ba. Kai i miseaung Mosi my pei nai reita bawibawichi ai takhawi y naimy kry ba. Reita leu pei nai ngierei ai ati sai py takhawi y naimy kry baly, nang ly nangmy dawn nai kamta eaung ai.

I JOHAN 5:3

Achi i Tameuh ai tamen nai ly mymy i leu pei nai patawm nai ne; mymy i leu pei nai ly myn kaji pho hai nai ny y leang.