SAM 119:34 - Khumi Common Language Bible

³⁴ Nang i reita kai ai thui pi kyh ba; huni ai kai ly tangai ai; paleung hawi verei atyp ai.

SAM 119:34 ပူးပေါင်းရင်းမြစ်များ

1 NENG SATANG 22:12

Nang i Areng Tameuh ly nang ai mymy i leu pei nai kamta, Israela pri y peang kawp ai nai pany thai praw nai cheng naira hawi tau cheng naira pei na sy.

JOBA 28:28

Tameuh my khumichi teng y, “Tau cheng naira awm ai nai Areng ai jei naimy tahm khai ai nai tla. Tau cheng naira nga ai nai, hawi y nai asyn vui ai nai tla,” nanai leu pei bo.

SAM 111:10

Areng ai jei kaji thai nai ka-dawn ly cheng naira i pakeung sangum ne; Reita leu patawm nai khumi bawibawichi teng y meitang naimy leu pacheang pajau ai nai, mymy ly pei bo. Mymy ai ly deungtasarei palo u jojo sy.

SAM 119:10

Kai ly paleung hawi verei, nang i miseaung lawm ai nai atho sa ai; kai ly nang i reita leu pei naichira i nai amphri vui moh sy.

SAM 119:100

Nang i reita leuchi tangai nai deaungkho y, saneng len naichi tleaung y cheng naira awm keh.

SAM 119:104

Kai ly reita leuchi theung i cheng naira nga nai deaungkho y, amhi amtlau nai sai hawi y nai ngiereichi ai, kaniu ngai y bo.

SAM 119:125

Kai ly nang i miseaung ne nai deaungkho y patiu pi naichi pany thai ai nai, kai ai cheng naira pei kyh ba.

SAM 119:130

Nang i leu ai thui pi pachai nai ly kangvang pei iy cheng y naichi ai cheng naira nga hai bo.

SAM 119:144

Nang i thui parip naichi ly teng jojo; kai ai cheng naira pei kyh ba; hunaibaly kai ly heng ai.

SAM 119:169

Aw Areng, sabawmra nga ai nai kai i aeu nai raawi ly nang teng y tym sy! Nangmy i adeu nai kamta, kai ai pany thai naira pei kyh ba.

SAM 119:2

Mymy i thui parip naichi ai sa patawm iy, leu pei naichi ai paleung hawi verei tangai nai khumichi ly taham hawi.

SAM 119:58

Nang i leu adeu nai kamta, kai ai pahen ai nai paleung hawi tlang verei, kang takeng nai ne.

SAM 119:66

Kai ly nang i reita leu pei naichi ym nai deaungkho y, kai ai cheng naira hawi pany thai naira pei kyh ba.

SAM 119:69

Paleung len amlyh nai khumichi ly kai i satang ka-chawi naimy thui u bo; kai ly reitachi ai paleung hawi verei tangai nai ne.

SAM 119:73

Nang ly kai ai sa iy chymme naimy khai bo; nang i reita leuchi pany thai ai nai, kai ai cheng naira pei kyh ba.

SAM 39:2

Kai ly leu sairei py katheu y naimy kaawm pypy bo; leu kahawi malawn py katheu y nai ne. Na i py kai i no patang nai ly ty tleaung tyra lawh.

MATTHAI 5:19

Hunaibaly ami py hini leu pei nai jang keh naichi theung y harei py taphra iy, hunai kamta sa teang ai nai khumichi ai patiu nai ngierei ai ly kani pri y tahm anem keh nai khumi, nanai amyn pathi ai; na i py ami py patawm iy patiu pateang nai ngierei ai ly kani pri y khumi kalen, nanai amyn pathi ai.

MATTHAI 7:24

“Hunaibaly hini kai i leu thui nai thai iy patawm nai ngierei ly khumi kacheng, lengseaung pui tleaung y mymy i yhm sa nai hawi pata ai nai tla;

JOHAN 7:17

Ami py mymy i kangai sa ai nai ngai nai khumi ly leu patiu nai ly Tameuh i patheu nai mo, kaimy i paseang iy thui nai mo, nanai pany ai.

Leu Thui Nai 4:6

Nangchi ly huni leu pei naichi ai takhawi y pa-rei tangai u baly, cheng takhrachi i mo y nangchi i cheng nai sai amteng ai. Nichi ly huni reita leu pei nai bawibawichi thai nai khala y, ‘Hini khumichi ly cheng naira kawi angym nai khumi cheng kalen ne lawh ly! nanai palo u ai.

JAKOB 1:25

Na i py ami py angym nai reita, miseaung alaw nai reita y khen nai awm jo baly, thai nai ly tami ryp y nai, patawm iy sa jo nai keung lawn nai ly, huni khumi ai ly ni i atiti sa naira y amtheaung hai ai.

JAKOB 1:5

Na i py nangchi theung y ami py cheng naira avaw baly, khumi bawibawi teng y jo y nai hawi pasai y naimy pei reng nai keung Tameuh teng y hnei sy, naibaly ang pei takengkei ai.

JAKOB 4:11

Amjo amnauchi awi, apreaung u reng moh. Ami py amy i amjo amnau ai preaung iy, amy i amjo amnau ai cheh baly, Reita ai preaung iy, Reita ai py cheh:naibaly nang ly Reita ai cheh baly, nang ly Reita patawm nai keung ny y, tara chih nai keung tla lawh veng.