SAM 119:32 - Khumi Common Language Bible

³² Nang ly kai ai cheng naira am-eaung hai ra nai ne i, kai ly leu pei naichi paleung ngai parai naimy tangai ai.

SAM 119:32 ပူးပေါင်းရင်းမြစ်များ

ATITI AWM ANGCHEI NAI 26:22

Mymy ly hu i nai asyh vui iy tuikan harei tai bi; hu y ly a-ei nai by y leang bo; hunai deaungkho y huni tuikan ai ly “Tlamsa naira,” nanai amyn pathi. Mymy ly “Areng my hini pri y tlamsa naimy awm ai nai ang pei bo i, hini meingtym y achi ly nang chawn u ai,” napi.

1 ARENG KEH 4:29

Tameuh ly Solomon teng y lyh ai hawi nai cheng naira hawi lulip pany nai cheng naira py, dawn pajau y na pa-rei pany thai naira py pei pi nai ne.

SAM 119:45

Kaimy ngai ngai tlamsa naimy kaawm ai; ati mana nai mo nabaly nang i leu pei naichi ai atho sa naimy tangai nai deaungkho y.

SAM 18:36

Nang ly kai ai patiu ai nai ngo y pa-rei ama hai bo; kai ly mana khala py sum ai ny y.

Solomon i khulym 1:4

Kai ai nang hawi vanrei hawi jo kyh ba, ani tako hawi kaliki sina; kai i samrang lawm ba, kai ai nang i yhm takun theung mang y pahawi ba. Ani ly amo theu naimy awm ahawi ai; kreip hang nei iy akhrei ahawi sina. Neampachy luteng my nang ai khrei nai ly lyh ai nai by y leang!

ISAIA 40:31

Na i py Areng i kasabawmra ai ym nai khumichi ly atho kangtha nga u ai. Nichi ly ahmtlau kamta akheang thai ai. Angpreng i py akawm u ai ny y. Khuleaung chei i py paha u ai ny y.

ISAIA 60:5

Nang ly hini atitichi niu i, amo theu ai. Nang i paleung anghyn ai. Khumi cheng cheaungkhangchi ly mychi i yhmtheaung katuichi ai, nang teng y tym hai ai. Nichi i yhmtheaungchi ly pangli vai mang i dengdairei ang tym hai ai.

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

JOHAN 8:32

nangchi ly leu meitang pany ai i, leu meitang my ly nangchi ai miseaung alaw hai ai,” napi.

JOHAN 8:36

Hunaibaly Chapo my nangchi ai miseaung alaw hai baly, nangchi alaw tatang ai.

II KORINTH 3:17

Naibaly Areng ly Phailo ne: naibaly Areng i Phailo awm naira ngierei y ly alaw naira awm.

II KORINTH 6:11

Aw Korinth avang i khumichi awi, kaichi ly nangchi teng y labeaung ang iy, kaichi i paleung ly nangchi i vui am-eaung vau bo.

HEBRAI 12:1

Hunaibaly angdeang nai keungchi my huna tanrei achi ai khupanym sau ana pa-rei ang taki nai deaungkho y, achi ai ateu hai yh nai ngierei hawi, amychi y abi cheng nai kamngo ly khai u veng teang sina;

I PETERA 2:16

Nangchi ly alaw nai ne, na i py nangchi i alaw nai ly kamngo ai khiu naira y teaung y naimy, Tameuh i miseaung y awm nai kamta teaung u.