SAM 119:29 - Khumi Common Language Bible

²⁹ Kai ly lam tamang naira y tako y ai nai sabawm kyh ba; nang i pahen naira molam y, kai ai reita leu pei naichi patiu kyh ba.

SAM 119:29 ပူးပေါင်းရင်းမြစ်များ

SAM 119:104

Kai ly reita leuchi theung i cheng naira nga nai deaungkho y, amhi amtlau nai sai hawi y nai ngiereichi ai, kaniu ngai y bo.

SAM 119:128

Hunai deaungkho y kai ly nang i leu patiu pi nai ngiereichi ai tangai iy, lam teng y nai ngiereichi ai niu ngai y bo.

SAM 119:163

Kai ly ka-chawi thui nai ngiereichi ai niu ngai y i, kapaso; na i py nang i reita leu ai paleung apei nai ne.

SAM 119:37

Hawi y naichi tangai y ai nai kai ai amkyn hai ly nang i adeu nai kamta, kai ai hawi so pi kyh ba.

SAM 119:5

Kai ly nang i leu pei naichi ai sau py takhawi y pa-rei, sa patawm ai nai khri pa-rei ngai parai nai ne.

LEU KACHENG 30:8

Kai i labeaung mang ka-chawi thui hai moh ba. Naibaly kai ai nang ai nai py, kamawn lawm ai nai py pei moh kyh ba. Hunaibaly kai i teicha teinei ngai nai ryrei phai pei ba.

ISAIA 44:20

Ni i sa nai ly maidym cha nai kamta, ati sai py ny y. My i akhum nai ka-dawn ly mymy ai lam tamang hai. Hunai deaungkho y ni ai sabawm ai nai avo pajau y bo. Ni ly my i kiu y syn nai myn ly tameuh pipi ny y, nanai pany y.

JEREMIA 16:19

Aw Areng, nang ly kai ai kry iy atho pei bo. Patang naira avum nai khala sabawm bo. Khaileaung pri katemra i dengdairei khumi cheng cheaungkhangchi ly nang teng y jeu iy, “Kaichi i amsi pajochi chiu nai tameuhchi ly tameuh ka-chawi ne, atyhtyh teu. Hawi naira pei pajau y nai mynchi ne.

JONA 2:8

Ati sai py ny y nai mynchi y chiu nai khumichi ly nang i tlang tleaung y ka-ym by y naichi ne.

I JOHAN 1:8

“Kaichi ly kamngo by y leang,” napi baly amychi ai atapawp nai teu, leu meitang py achi teng y by y.

I JOHAN 2:4

Mymy i leu pei naichi patawm y pui naimy, “Mymy ai kapany,” napi nai khumi ly ka-chawi thui nai teu, leu meitang py mymy teng y by y.

AMTENG HAI NAI 22:15

Angam mang y ly uichi py, atam kawpchi py, angai naichi py, khumi ai padei naichi py, myn y chiu naichi py, ka-chawi thui jeaung reng iy ka-chawi sa naichi py awm u bo.