SAM 119:160 - Khumi Common Language Bible

¹⁶⁰ Nang i reita sangum ly leu meitang ne; nang i leu meitang naimy tara chih nai bawibawi ly deungtasarei awm jo nai ne.

SAM 119:160 ပူးပေါင်းရင်းမြစ်များ

SAM 119:138

Nang i pei nai reita leaungsaichi ly khri pa-rei adyh adawi nai ne i, teng parai.

SAM 119:142

Nang i neaung hawi nai ly deungtasarei ne; nang i reita leu ly teng jojo.

SAM 119:144

Nang i thui parip naichi ly teng jojo; kai ai cheng naira pei kyh ba; hunaibaly kai ly heng ai.

SAM 119:152

Kai ly deaungdi khala i dengdairei, nang i thui parip nai saichi ai kapany yb bo; hunichi ai nang ly khaw hai jojo nai ne.

SAM 119:75

Aw Areng, nang i tara chih nai saichi ly adyh adawi nai ne, nanai py, meitang khyp naimy kai ai pajeng, nanai py kai ly pany bo.

SAM 119:86

Reita leu pei nai ngiereichi ly ym ai nai hawi parai; khumichi ly ka-chawi thui naimy kai ai ana u bo, kai ai sabawm kyh ba!

LEU KACHENG 30:5

“Tameuh ly ka-ym awm nai ne. Mymy ly my teng y abyh nai khumi bawibawichi i vui khupui kamta ne.

Parip nai leu 3:14

Tameuh i sa nai cheaungkhang ly khaw, nanai kai pany; nang ly hunichi ai panawi bi nai mo, la vui nai mo, so pajau y leang. Tameuh i sa nai harei nai ly mymy ai achi my jei kaji ai nai ne.

MATTHAI 5:18

Meitang khyp kang thui pi, kani khaileaung tamo y ryrei ly Reita i leu maiden chy theung dyp nai mo, maiden chy jyn si nai mo, atiti bawibawi tym angym y ryrei ly ha py tama ai ny y.

II TIMOTHEI 3:16

Tameuh i cha-iu leu bawibawi ly Tameuh i taho hai nai kamhui ne, naibaly Tameuh ai dawn nai khumi ly atiti kahawi cheaungkhang sa ai nai angym pa-rei my amthyp angym thai ai nai,