SAM 119:157 - Khumi Common Language Bible

¹⁵⁷ Kai ai ka-jo hau naichi hawi ana naichi ly nawi parai; na i py kai ly reita leu pei naichi tangai ai nai phra vai y leang.

SAM 119:157 ပူးပေါင်းရင်းမြစ်များ

JOBA 17:9

Amychi ai tahm awm, nanai thui naichi ly mychi mang kateng ne, nanai ymra ymra u bo.

JOBA 23:11

Kai ly mymy i vawi patyp nai lam y, ka-ym awm naimy katako nai ne. Mana khala py langvawi lamtang amphri vai y.

SAM 119:110

Khumi aso y naichi ly kai i vui deaung pateung pi u bo; na i py kai ly nang i reita leaungsaichi ai khai su y leang.

SAM 119:51

Paleung len amlyh nai khumichi ly kai ai avawrei panui hai teu i py, kai ly nang i reita lam i nai hi vui y leang.

SAM 22:12

Kai i paleung ka-echi ly Bashan meingtym i ka-jei awm parai nai si kataichi kamta, kai ai ang taki na bo.

SAM 22:16

Khumi hawi y naichi ly kai ai katanmeuh bo. Nichi ly kasui kanghuchi kamta kai i sahawi y ahihawi iy, kai i kiu kheuchi ai kei piupa bo.

SAM 25:19

Kai teng y mana tanrei paleung ka-echi nawi na mo, nanai khen pi kyh ba. Nichi ly kai ai mana tanrei niu ngai y na mo, nanai pany pi kyh ba.

SAM 44:17

Kaichi ly nang i sa pi nai leu maikawm ai kataphra u y nai ne. Nang ai py katami u y leang. Na i py hini ngari kamtangchi ai kaichi avum u bo.

SAM 56:2

Kai ai ka-jo hau naichi ly kani khengrei kai ai tiu u bo; kai ai tiu nai khumichi ly nawi parai.

SAM 7:1

Aw kai i Areng Tameuh, kai ly nang teng y abyh nai ne; kai ai patiu ai nai anghau nai khumi bawibawichi kiu i nai kai ai atleu kyh ba.

ISAIA 42:4

Ni ly paleung phra atho di ai ny y. Khaileaung pri y ka-dyh ka-dawi naimy peang nai ly khaw jojo ai. Kamlo prichi py ni i parip nai ai, paleung apei parai naimy ajeng u ai,” napi.

MATTHAI 24:9

“Huni neng khala y ly nichi ly ngari patang ai nai nangchi ai au iy ang padei ai: kai i amyn deaungkho y cheng bawibawichi my py nangchi ai niu ngai y ai.

MATTHAI 26:47

Naibaly mymy ly thui dudu nai thym khala y my Juda, holai nyhreichi theung i leaungrei ly tym ryp; naibaly pathyp pi nai keung kalenchi hawi khumi humchi i miteaung kehchi teng i nai khumi mipui ka-teng ny y naichi ly haisau hawi thengbeang syn nai mymy hawi vanrei tym miu.

AMTAW 4:27

Hini avang y ly nang i Miseaung kachai nang i rimui paju nai Isu i tlang tleaung y ly nang i kiu hawi paleung y tym ai nai khai takhra rym nai ngierei ly sa ai nai,

I KORINTH 15:58

Hunai deaungkho y kai i amjo amnau ngai parai naichi awi, khaw parai pa-rei, amchyh lei y pa-rei my Areng i kalop y ly sa ra sa ra jojo ai nai awm u, nangchi i sa akawm nai ly Areng y ly jawm sum vai y, nanai nangchi pany.