SAM 119:149 - Khumi Common Language Bible

¹⁴⁹ Aw Areng, nang i tamen naira khaw parai nai deaungkho y, kai i chiu sa nai tangai pi kyh ba; pahen parai naimy kai i hengra tamo hai moh kyh!

SAM 119:149 ပူးပေါင်းရင်းမြစ်များ

SAM 109:21

Na i py aw Areng, kai i Tameuh, nangmy i adeu nai kamta, kai ai sabawm kyh ba; nang i tamen nai saho y kai ai atleu kyh ba.

SAM 119:154

Kai i molam y kai mang y awm hai iy, kai ai tlamsa naira pei kyh ba; nangmy i adeu nai kamta kai ai atleu kyh ba.

SAM 119:156

Na i py aw Areng, nang i pahen naira ly len parai na i, pahen parai naimy kai ai atleu kyh ba.

SAM 119:25

Kai ly sum i, spryhra y atlym nai deaungkho y, nang i adeu nai kamta heng ai nai pei kyh ba.

SAM 119:40

Kai ly nang i reita leu pei naichi tangai ai nai khri pa-rei ngai; nang ly leu meitang ne nai deaungkho y, kai ai heng ai nai pei kyh ba.

SAM 119:88

Kai ly nang i reita leu pei naichi ai tangai pajau ai nai, nang i khaw parai nai tamen naira deaungkho y kai ai pahen kyh ba.

SAM 51:1

Aw Tameuh, nang i khaw parai nai tamen naira hawimy kai ai pahen kyh ba. Khri pa-rei pahen naira len parai nai hawimy kai i kamngochi palawi pi kyh ba!

SAM 55:2

Kai i hnei takeng nai tangai iy, pathang pi kyh ba; kai ly paleung bi, paleung mawn naichi hawimy, atho khei na bo.

SAM 64:1

Aw Tameuh, kai ly patang naira avum bo; kai i chiu sa hnei takeng nai tangai pi kyh ba! kai ly paleung ka-echi ai jei hyn naimy awm bo; kai i hengra ai atleu kyh ba.

SAM 69:16

Aw Areng, nang i khaw parai nai tamen naira ly hawi nai deaungkho y, kai i hnei takeng nai tangai pi kyh ba; nang ly khri pa-rei pahen reng nai deaungkho y, kai mang y amhi iy khen kyh ba!

ISAIA 63:7

Kai ly Areng i phra vai y nai tamen nai satang thui pi ai. Kaichi i vui sa pi nai atitichi molam y kapalo ai. Mymy ly mymy i tamen nai hawi pahen nai saho y, Israela chengchi teng y amtheaung naira kawi angym hai nai ne.