SAM 119:120 - Khumi Common Language Bible

¹²⁰ Nang ai jei nai deaungkho y kai ly khuma phau na bo; nang i tara chih nai saichi molam y kai ly jei na bo.

SAM 119:120 ပူးပေါင်းရင်းမြစ်များ

2 ARENG KEH 22:11

Samrang ly phain pi nai Reita leu thai nai khala y paleung si i, ateaung sei vui bo.

1 NENG SATANG 24:30

Mushi ly Mahli, Eda hawi Jeremoth napi nai chapo leaung thomrei awm. Hini khumichi ly yhm dengtheung Levi theaungchi ne.

2 NENG SATANG 34:21

“Nangchi ly chei u iy, hini cha-iu theung i thui naichi kai i vui hawi Juda pri hawi Israela pri y awm jo rai nai khumichi i vui py Areng teng y deng pi u cham. Achi i amsi pajochi ly Areng i leu tangai u y. Reita cha-iu theung y awm naichi so patawm u y nai deaungkho y, Areng ly achi i tlang tleaung y kado theu nai bo,” napi.

2 NENG SATANG 34:27

Jerusalem mary i khumichi ai pajeng ai nai kaimy leumo pei nai thai nai khala y, nang ly vo bo; nangmy i ateaungchi sei iy uikheih naimy, kai i mo y paleung apanem nai ne. Naibaly kai ly nang i chiu sa hnei takeng nai thai nai deaungkho y,

JOBA 23:15

Hunai deaungkho y kai ly mymy i mo y jei hyn naimy kaawm.

JOBA 31:23

Kai ly Tameuh my kamngo pajeng ai, nanai jei nai deaungkho y, hini leaungsaichi mana khala py kaso vam y.

SAM 119:53

Khumi aso y naichi my nang i reita ai khai su nai niu nai khala y, kai ly kado theu nai ne.

SAM 88:16

Nang i khri pa-rei kado theu nai ly kai ai tama hai bo; nang i ka-jei awm nai tiu naichi ly kai ai tama hai bo.

ISAIA 66:2

Kai ly khusang deaungdu verei sa nai ne. Paleung apanem iy uikheih naichi hawi, kai ai jei hyn naimy kai i leu tangai nai khumichi ai kai ly khrei nai ne.

ISAIA 66:5

Mymy ai jei kaji naimy leu tangai nai khumichi awi, nangchi ly Areng i leu pei nai tangai u. Nangchi ly kai i tlang tleaung y ka-ym awm u nai deaungkho y, nangchi i cheng phyreichi ly nangchi ai niu ngai y iy ang paleang u parutu nai ne. Nichi ly nangchi ai panui hai iy, “Kaichi ly nangchi amo theu nai kaniu u ai nai ngai. Hunai deaungkho y Areng ly sa thai naira nang parai nai patei iy atleu pi na sy,” napi u. Na i py huni khumichi ly kangji kangai nga u ai!

HABAKKUK 3:16

Kai ly hini leaungsaichi thai baly kaso theu; kai i labeaung teng ly jei nai ahyn thlyhthlyh naimy tlang ly nau vui iy, kheuchi ly atlym khikha na bo. Kaichi ai tiu nai khumichi ai, Tameuh my pajeng nai neng tym pa-rei, kaichi ly awmnem nai my ajeng ai.

PHILIPI 2:12

Hunaibaly kai i ngai parai naichi awi, nangchi ly leu patawm u jojo nai kamta, kai awm nai khala y so khyh y naimy vai kai by y nai sala y py sa u keh lawh iy, jei nai hawi kaso theu nai tarawi y nangmychi i paheng naira ai ly pacheang u;

HEBRAI 12:21

naibaly nichi i atiti niu nai py khri pa-rei ka-jei awm na i, Mosi my ly, “Kai ly jei nai khri pa-rei kaso theu na,” nanai thui chy bo;

1 SAMUELA 6:20

Hunai deaungkho y Beth Sheme mary i khumichi my, “Chai parai nai Tameuh napi nai Areng i mo y ami kham pajau ai mo? Achi hawi palo pa-rei, mymy ai mani mang y tha vui ai mo?,” nanai thui u bo.