SAM 119:1 - Khumi Common Language Bible

¹ Areng i Reita leu ai sa patawm iy, kamngo by y pa-rei heng nai khumi ly taham hawi.

SAM 119:1 ပူးပေါင်းရင်းမြစ်များ

2 SAMUELA 22:22

Kai ly Areng i reita leu pei naichi tangai nai ne; kaimy i Tameuh ai nithun thun vai y leang.

2 ARENG KEH 20:3

“Aw Areng, kai ly nang i kalop ai ka-ym awm naimy sa. Nangmy sa hai ai ngai nai kamta sa nai ai pany pi ba,” nanai chiu sa iy khri pa-rei vo bo.

JOBA 1:1

Uz pri y Joba napi nai khumi leaungrei awm; ni ly hawi naira angym i, Tameuh ai jei kaji nai khumi, hawi y naira asyn ai nai pany nai khumi ne.

JOBA 1:8

Areng my, “Khaileaung pri y hawi angym iy kai, Tameuh ai jei kaji nai, hawi y naira ai asyn ai pany nai khumi, kai i miseaung Joba kamta leaungrei py by y, nanai pany bo a?” napi.

SAM 101:2

Kai ly kamngo by y pa-rei kaawm ai. Nang ly mana khala y kai teng jeu ai mo? Kai ly kaimy i yhm y chai parai nai paleung ka-dawn hawi kaawm ai.

SAM 101:6

Kai ly Tameuh y ka-ym awm nai khumichi ai ly paleung apei ai; nichi ai kaimy i samrang yhm y awm ai nai kapei ai. Katapawp paleung ka-kawi by y nai khumichi ai kai i kalop sa hai ai.

SAM 112:1

Areng ai palo u! Areng ai jei kaji naimy tahm khai iy, Reita leuchi kry ai nai ngai keh nai khumi ly taham hawi.

SAM 128:1

Areng ai tahm khai iy mymy i leu pei naichi tangai naimy heng nai khumichi ly taham hawi.

LEU KACHENG 11:20

Areng ly ka-kawi paleung awm nai khumi ai niu ngai y; na i py kateng sa nai khumi ai ly tamen nai ne.

LEU KACHENG 13:6

Leu meitang teaung nai ly kamngo by y nai khumi ai ama hai; hawi y naira ly kamngo sa nai khumichi ai atlym hai nai ne.

LEU KACHENG 29:18

Tameuh i lam patei nai ai tangai y baly, huni pri ly phra seaungkhrang reng nai ne. Tameuh i leu pei nai ai atyp nai khumi ly khri pa-rei taham hawi na a!

Ezekiela 11:20

Huna nai y nichi ly kai i reitachi kry iy kai i leu pei naichi hawihai palai tangai u ai. Nichi ly kai i khumichi lawm iy kai py nichi i Tameuh lawm ai.

HOSEA 14:9

Tau cheng nai khumi hawi dawn pasym thai nai khumichi ly hini cha-iura tajiu nai ngiereichi ai dawn pany thai iy, paleung theung y pateung u me na sy. Areng my khai pi nai reitachi ly teng nai deaungkho y khumi kahawichi ly huni reita lamchi kamta tangai iy, heng u bo. Na i py kamngo sa nai khumichi ly huni reita lamchira y tako u y nai deaungkho y, athei thleaung iy atlym u nai ne.

LUKA 1:6

Nini leaung nyhrei ly cheh ai nai by y pa-rei my Areng i leu pei nai hawi reita bawibawi patawm iy, Tameuh i mei ka-niu y awm nai sai hawi parai nai ne.

LUKA 11:28

Na i py ni my ly, “Ne, na i py Tameuh i leu thai iy patawm naichi ly taham hawi keh,” napi.

JOHAN 1:47

Isu ly Nathanaela ni teng y jeu ai tau nai niu i, “Khen cham, Israela khumi meitang, tapawp nai paleung den py by y nai ho,” nanai ni i satang thui pi.

JOHAN 13:17

Nangchi ly huni atitichi pany iy sa baly taham hawi ai.

AMTAW 24:16

hunai deaungkho y kai Tameuh teng y hawi, khumi teng y py kai i pany nai ngierei sa naira y paleung tamang y naimy atyp jojo ai nai katau.

II KORINTH 1:12

Kaichi i amlyh naira ly hini ne he, naibaly kaichi i hawi nai hawi y nai pany naira ly pany hai bo; kaichi ly chai naira hawi Tameuh i meitang naira y (tlang i cheng naira y ny y naimy Tameuh i pahenra y), khaileaung pri y awm nai sai kahawi awm u bo, nangmychi i mo y py hawi tleaung hawi ra bo.

JAKOB 1:25

Na i py ami py angym nai reita, miseaung alaw nai reita y khen nai awm jo baly, thai nai ly tami ryp y nai, patawm iy sa jo nai keung lawn nai ly, huni khumi ai ly ni i atiti sa naira y amtheaung hai ai.

AMTENG HAI NAI 22:14

Heng naira dengkeaung y tym ai nai nga thai ai nai hawi, apai katheu mang avang pui y kun thai ai nai py nichi i kanih pasiu naichi ly taham hawi.