SAM 118:27 - Khumi Common Language Bible

²⁷ Areng ly Tameuh ne; mymy ly achi ai hawi ang sa pi bo. Nangchi ly lymlo changpichi syn ly pawi sa amteaung iy, maicham kamki tapai u.

SAM 118:27 ပူးပေါင်းရင်းမြစ်များ

1 ARENG KEH 18:21

Elija ly mipuichi teng y chei iy, “Nangchi ly mana tanrei paleung adi adiu naimy awm u ai mo? Areng ly Tameuh ne, nabaly ni ai chiu u. Bala ly Tameuh ne, nabaly ni ai chiu u!” napi. Na i py khumichi ly ati sa py pathang u y.

1 ARENG KEH 18:39

Hina naichi niu nai khala y khumichi ly khaileaung y atlym u i, “Areng ly Tameuh ne; Areng leaungrei naini Tameuh tatang ne!” nanai aeu u bo.

1 NENG SATANG 29:21

Kani pa-nyh nichi ly kapathypra tawnbawichi tleh iy, Areng teng talam chum baly khumichi cha ai nai pei pi. Nichi ly kreip hang katalamrachi py syn u. Huni bo y nichi ly si katai sangrei, beram katai sangrei hawi beram cho sangreichi ai maicham salo y, bom verei leng patlum u.

ESTHER 8:16

Juda chengchi ly paleung savairu nai y, amo theu naimy tahm asang u bo.

SAM 18:28

Aw Areng, nang ly kai ai kangvang pei; kai i veng naira ai tama hai vui bo.

SAM 37:6

Nang i hawi naira ai kanithun kani kangvang kamta, angvang phang hai ai.

THEU NAI 27:2

Maicham taki palyhreira y, taki ka-tawm kamsui palyhrei sa ai nai tla. Huni takichi ly maicham hawi amtawn iy, hinichi ai ly kheupaja hawi mawm ai nai tla.

THEU NAI 38:2

Taki palyhreira i kachawn kamsuichi ly maicham hawi sa patawm prei nai ne. Maicham verei y kheupaja hawi mawm typ bo.

ISAIA 60:1

Aw Jerusalem mary, anglaw iy kanito kamta angvang ba. Nang i kangvang ly tym bo. Areng i nang parai naira ly nang i tlang tleaung y kangvang ko bo.

ISAIA 9:2

Kaveng theung y tako nai khumichi ly khri pa-rei angvang nai kangvang niu u bo. Nichi ly dei areng i ka-khui khiu nai pri y awm u teu i py, vai ly nichi i tlang tleaung y kangvang sangso tym hai bo.

MIKHA 7:9

Kaichi ly kamngo sa nai deaungkho y, tanarei ly Areng i kado theu nai avum u ai. Na i py mymy ly kangkhym y kaichi i molam ama hai iy, leu meitang naimy tara chih ai. Mymy ly kaichi ai kangvang mang y pahawi ai. Kaichi ly mymy i atleu nai niu takengkei ai.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

JOHAN 8:12

Naibaly Isu my nichi teng y leu thui bi i, “Kai ly khaileaung pri i kangvang ne; ami py kai teng y abang nai ly kavengra y tako ai ny y i, heng naira kangvang nga lawh ai,” napi.

HEBRAI 13:15

Hunaibaly mymy i saho y palo naira ly apathyp naira lawn ai nai Tameuh teng y talam u reng sina, huni ly ni i amyn apha y nai labeaung athai ne.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;