SAM 116:5 - Khumi Common Language Bible

⁵ Areng ly hawi i pahen; achi i Tameuh ly pahen nai keung ne.

SAM 116:5 ပူးပေါင်းရင်းမြစ်များ

EZARA 9:15

Aw Israela chengchi i Areng Tameuh, nang ly leu meitang teaung nai keung ne. Na i py nang ly kaichi ai heng ai nai pei bo. Kaichi ly kaimychi i kamngo nai y ahui u bo. Hini kamngo nai deaungkho y nang i mo y jeu vam ai nai leaungrei py by y,” nanai takeng nai ne.

NEHEMIA 9:17

Nichi ly nang i leu tangai u y; nang i sa pi naichi tami vui; nang i patei pi nai rengrang ka-ma-rachi py pany y veng bo. Amlyh am-e naimy miseaung achei nai Aikupta pri mang y hawi ali teang ai nai lu sa nai leaungrei ai vawi takhra u nai ne. Na i py nang ly kamngochi pahen pi nai Tameuh ne; neaung hawi iy paleung sau. Pahen naira ly len parai nai deaungkho y, nang ly nichi ai khai su y nai ne.

NEHEMIA 9:31

Na i py pahen naira len parai nai hawimy, nang ly nichi ai khai su y nai ne; Phra naira hawi tama naira y tym hai y. Nang ly tamen iy pahen naira hawi angym nai keung Tameuh ne na a!

NEHEMIA 9:33

Kaichi i tlang tleaung y nangmy pajengra tym hai nai ly hawi khyp nai bo; kaichi ly kamngo sa tamang u teu i py, nang ly ka-ym awm nai ne.

NEHEMIA 9:8

Nang i tlang tleaung y ka-ym awm nai khumi, nanai niu nai deaungkho y, nang ly ni hawi Leu Maikawm asa bo. Ni i katu chanauchi awm ai nai i vui y, ni teng y Kanan pri, Hiti pri, Amori pri, Perizi pri, Jebusi pri hawi Kirakashi prichi pei ai nai adeu bo. Nang ly ka-ym awm nai keung ne nai deaungkho y, adeu nai leu khaw hai ai.

SAM 103:8

Areng ly tamen nai hawi pahen nai keung ne iy, paleung sau neaung hawi nai deaungkho y, khaw parai nai tamen naira hawimy kawi angym nai ne.

SAM 112:4

Tamen iy pahen naira kawi naimy, leu meitang teaung nai khumi kahawichi i vui ly kaveng theung y kangvang tym hai reng nai ne.

SAM 115:1

Aw Areng, nang i khaw parai nai tamen naira hawi ka-ym awm nai molam y, nang teng y naini nang parai naira awm khyh; kaichi teng y nang parai naira by y.

SAM 119:137

Aw Areng, nang ly adyh adawi nai keung ne; reita leuchi py adyh adawi nai ne.

SAM 145:17

Areng ly mymy i sa nai leaungsai ngiereichi ra y, hawi naira hawi pahen naira py amteng nai ne.

SAM 86:15

Na i py aw Areng, nang ly pahen nai hawi tamen reng nai Tameuh ne; nang ly neaung hawi jojo nai ne; avawrei pahen naimy ka-ym awm bo.

SAM 86:5

Nang teng y ly kaichi i tlang tleaung y hawi naira hawi, kamngo palawi pi thai naira awm; nang teng y chiu sa nai khumi bawibawichi tlang tleaung y tym nai, khaw parai nai tamen naira ly kawi na bo.

ISAIA 45:21

Jeu ly nangchi i ka-jo ka-thui ai jeung y tym hai u. Tara amteng naichi ly mychi tengtawi, leaung leaungrei arum u. Tym ai nai atitichi ai ami my jangni khala y thui pi yb lawh mo? Kaimy i khumichi ai atleu nai Tameuh, kai Areng my kang thui pi yb nai ny y lawh sai a? Kai ny y baly tameuh takhra by y.

JEREMIA 12:1

Aw Areng, kai i molam nang teng y leu amti pi ai nabaly, nang naini hawi nai keung ne. Na i py leu meitang awm nai, by y nai molam ly kai kang deng ai nai ngai. Ati mana nai y khumi hawi y naichi ly hunatan pa-rei nang chawn u nai mo? Leu meitang teaung y nai khumichi ly ati mana nai y tlamsa u lawh mo?

DANIELA 9:14

Kaichi i Areng Tameuh awi, nang ly kaichi ai pajeng ai nai angveirym nai kamta pajeng ba. Ati mana nai mo na baly nang ly kahawi sa jojo nai ne teu i py, kaichi ly nang i leu tangai u y nai deaungkho y ne.

DANIELA 9:7

Aw Areng, nang ly kateng sa jojo nai ne. Na i py kaichi ly kaimychi ai kangji nga hai bo. Juda pri y py, Jerusalem mary y py, awm nai khumichi hawi nang i leu tangai y nai deaungkho y, kamlo kang sa prichi mang y ahei akyhkyh nai Israela cheng bawibawichi py, huna nai kamta mymychi ai mychi naimy tahm anem hai u bo.

DANIELA 9:9

Kaichi ly nang i leu tangai y teu i py, nang ly kaichi ai pahen iy kaichi i kamngochi pahen pi bo.

EPHESI 2:4

na i py Tameuh ly pahen naira neangneang awm i, mymy i tamen nai len parai nai i saho y achi ai ang tamen nai deaungkho y,

I TIMOTHEI 1:14

naibaly achi Areng i pahenra hawi, Krista Isu y ym naira hawi tamen naira py khri pa-rei lem na bo.

I JOHAN 1:9

Achi ly achi i kamngochi ahui baly, mymy ly achi i kamngochi pahen ai nai hawi, achi i hawi y naira bawibawi pachai ai nai py ka-ym nai hawi, hawi nai py ne.