SAM 116:1 - Khumi Common Language Bible

¹ Areng ly kai i hnei takeng nai raawi tangai pi nai deaungkho y, kai ly mymy ai khrei; mymy ly kai i chiu sa nai tangai pi nai ne.

SAM 116:1 ပူးပေါင်းရင်းမြစ်များ

ATITI AWM ANGCHEI NAI 35:2

Naibaly Jakob ly my i yhm dengtheungchi hawi mymy hawi vanrei awm nai khumi bawibawichi teng y, “Nangchi teng y awm nai tameuh takhrachi ai ly aphi u pawn; nangmychi py apachai u ly ateaung kachaichi amthyp u.

1 ARENG KEH 9:3

Areng my ni teng y, “Kai ly nang i chiu sa nai thai bo; kai ai chiu jojo nai meingtym lawm ai nai, nang i sa nai hini Achura Yhm ai kaimy khai takhra pi bo. Hini Achura Yhm ai kaimy avawrei kang khen pi ai.

SAM 119:132

Nang ai tamen nai khumichi ai pahen nai kamta, kai ai khen iy pahen teang kyh ba.

SAM 28:6

Areng ai ly palo u; kasabawmra nga ai nai kai i aeu nai, mymy i kano patheung pi bo.

SAM 40:1

Areng my sabawm ai nai kai ly kham tanga naimy ajeng nai khala y, mymy ly kano patheung iy, kai i aeu nai raawi thai bo.

SAM 69:33

Areng ly ngari kamtang avum nai khumichi i, chiu sa hnei takeng nai tangai pi bo; theaung tla nai mymy i khumichi ai tami pi vui y leang.

ISAIA 38:15

Hini kalop ai Areng my sa nai ne i, kai ati thui pajau ai mo? Kai ly paleung kabi tym nai y, i amhm y bo.

TANGAM NAI LEU 3:56

Huna nai kaau nai raawi tangai ai nai, kai i takeng nai khala nang ly thai.

JONA 2:3

Nang ly kai ai thiu parai nai pangli theung y py, pangli paichi y tym pa-rei py, aphi vui nai deaungkho kai ly pangli tui my takimeuh nai avum iy, nang i tui sampyh puichi ly kai ai um meuh na bo.

Kati Nai 21:3

Areng ly nichi i hnei nai kamta Kanan chengchi ai tiu nai pajau hai. Hunai deaungkho y Israela chengchi ly huni khumichi i marychi taphra pi pawn iy, huni meingtym ai Hormah nanai amyn pathi bo.

MARKA 12:33

naibaly mymy ai ly paleung verei hawi, pany thai naira bawibawi hawi, atho bawibawi hawi tamen ai nai py, amymy ai atamen nai kamta saleaungchi ai tamen ai nai py bom leng nai atiti talam nai hawi apathyp naira bawibawi tleaung y khri pa-rei hawi keh,” napi.

JOHAN 16:24

Vai khrairei nangchi ly kaimy i amyn y ati sai py hnei y rai; hnei u. naibaly nangchi ly kawn angym ai nai nga u ai.

JOHAN 21:17

Naibaly pa-thom ni teng y, “Simon, Johan i chapo, nang ly kai ai khrei a?” napi. Naibaly tlen thomrei ni teng y, “Nang ly kai ai khrei a?” napi veangveang nai deaungkho y Petera ly paleung mawn i ni teng y, “Areng, nang ati cheaungkhang pany, kai ly nang ai khrei nanai py nang pany chy bo,” napi. Isu my ni teng y, “Kai i beramchi ai pacho.

I JOHAN 4:19

Mymy ly achi ai ang tamen man nai deaungkho y achi ly tamen nai ne.

1 SAMUELA 1:26

Hannah my Eli teng y, “Areng awi, kai ai pahen kyh ba; nang ly kai ai pany jo rai a? Kai ly vaichi khala nang i sahawi y angdo naimy Areng teng y chiu sa nai neampachy ne.