SAM 114:2 - Khumi Common Language Bible

² Juda chengchi ly Areng i khumi kachaichi lawm u bo; Israela chengchi ly mymy i peang nai khumichi lawm u bo.

SAM 114:2 ပူးပေါင်းရင်းမြစ်များ

THEU NAI 15:17

Aw Areng, nang ly nichi ai pahawi iy nang i awm ai nai vawi takhra nai mawi salo y, meingtym tahyh pi ai; nangmy kypkyp my sa nai Achura yhm y awm hai ai.

THEU NAI 25:8

Khumi mipuichi ly kai i vui Tabynako sa ai nai tla. Naibaly kai ly nichi theung y kaawm hai ai.

THEU NAI 6:7

Kai ly nangchi ai kai i khumi kypkyp kapalawn ai; kai ly nangchi i Tameuh ne ai. Aikupta pri y miseaung achei naira i nangchi ai kang lawi hai nai khala y, kai ai nangchi i Areng Tameuh ne, nanai pany u ai.

Levi 11:45

Kai ly nangchi i Tameuh lawm ai nai nangchi ai Aikupta pri i dengdairei pahawi nai keung Areng ne. Kai ly kachai ne i nangchi py chai ai nai tla.

Leu Thui Nai 23:14

Nangchi i tai naira ai ly nangchi ai ama hai iy, tavai eaung hai ai nai, nangchi i Areng ly tai theung y nangchi hawi vanrei awm nai deaungkho y, tai ai ly reita leaungsai y kachai khai ai nai tla. Areng my nangchi ai ang khai su y ai nai, chai y nai ngiereichi sa ai nai avo y.

Leu Thui Nai 27:12

“Nangchi Jordan tavo angpeang chum nai bo y, khumichi teng y amtheaung nai leu pei nai khala, Simeon, Levi, Juda, Isakar, Josepha hawi Benjamin theaungchi ly Kerizim mawi saleung y angdo u ai nai tla.

Leu Thui Nai 27:9

Naibaly Mosi my Levi theaung pathyp pi nai keungchi hawi vanrei Israela cheng bawibawichi teng y, “Israela chengchi awi, kai i thui nai ngiereichi ai dawn patyp iy, tangai u. Vaini nangchi ly nangmychi i Areng Tameuh i khumi lawm u bo;

Leu Thui Nai 7:6

Nangchi i Areng Tameuh ly nangchi ai peang nai deaungkho y, huna nai sa ai nai tla. Khaileaung pri y awm nai khumi cheaungkhangchi theung i nangchi ai, mymy i khumi y palawn ai nai Areng my vawi patyp nai ne.”

AMTENG HAI NAI 21:3

Naibaly areng atehra theung i dengdairei ly raawi pajeng naimy, “Khen cham, Tameuh i awm naira ly khumichi theung y awm bo: mymy ly nichi teng y awm hai ai i, nichi py mymy i khumichi lawm ai; Tameuh kypkyp my ly nichi teng y awm hai ai i, mymy ly nichi i Tameuh lawn ai.