SAM 114:1 - Khumi Common Language Bible

¹ Jakob i kangpreang Israela chengchi ly pri takhra Aikupta pri i dengdairei theu u nai khala y,

SAM 114:1 ပူးပေါင်းရင်းမြစ်များ

ATITI AWM ANGCHEI NAI 42:23

Josepha ly nichi ati thui u nai mo, nanai pany pi se; na i py nichi ly pany u y, ati mana nai mo nabaly nichi ly leu tapeang pi nai keung teaung iy, Josepha hawi arum u nai deaungkho y ne.

SAM 81:5

Mymy ly Aikupta pri y tiu nai thym khala, huni leu ai Israela chengchi teng y pei pi bo; kai pany vai y nai katyn thai.

SAM 81:6

Huni katyn ly “Nangchi paleang tleaung i myn kaji ly kaimy kang la pi vui iy, nangchi i iukhi pho nai tumchi py amteih hai ai.

THEU NAI 12:51

Huni kani y my Areng ly Israela chengchi ai, Aikupta pri i dengdairei theu hai khyp nai ne.

THEU NAI 13:3

Naibaly Mosi my Israela chengchi teng y, “Areng ly pahen naira len parai nai hawimy, nangchi miseaung achei nai Aikupta pri i dengdairei, nangchi ai pahawi nai kani ai pany u; huni kani y angbo abawi nai tako cha ai nai tlo y.

THEU NAI 20:2

“Kai ly nangchi ai miseaung achei nai, Aikupta pri i dengdairei pahawi nai keung nangchi i Areng Tameuh ne.

ISAIA 11:16

Aikupta pri dengdairei Israela chengchi theu u nai thym khala i kamta, Asuria pri y awm rai nai, mymy i khumichi theu u ai nai i vui y, lam manglai pui harei lawm hai ai.

Leu Thui Nai 16:1

“Nangchi i Areng Tameuh ly Abiba lo vum y, nangchi ai Aikupta pri i dengdairei atleu nai deaungkho y, huni lo y Areng ai palo ai nai Katlen vui nai Pawi so u.

Leu Thui Nai 26:8

Areng ly mymy i sa thai naira len parai nai hawimy, kaichi ai Aikupta pri i nai atleu pi. Mymy ly rengrang ka-ma-ra hawi lyh ai awm nai patei iy, ka-jei awm nai pajeng nairachi tym hai nai ne.