SAM 113:5 - Khumi Common Language Bible

⁵ Hu y achi i Areng Tameuh hawi pata pajau nai keung leaungrei py by y. mymy ly salo keh y awm nai ne.

SAM 113:5 ပူးပေါင်းရင်းမြစ်များ

SAM 103:19

Areng ly mymy i areng atehra ai kani mang y khai bo; mymy ly khusang deaungdu ai peang nai ne.

SAM 11:4

Areng ly Achura yhm kachai theung y awm; mymy i areng atehra ly kani pri mang y awm. Mymy ly khumi bawibawichi ai khen patawm iy, nichi i sa nai leaungsaichi pany pi.

SAM 35:10

“Nang hawi ami atawm mo? Ami nai ly nang kamta, atho di nai khumi ai atho awm nai khumi my patang hai naira i nai py, ngari kamtang avum nai khumi ai ana nai khumi teng i nai py, ami my ama hai mo,” nanai Areng teng y kaimy i avum nai ka-dawn hawimy amti pi ai.

SAM 89:6

Aw Areng, kani pri mang y nang hawi atawm nai ami awm mo? mani kanicho ly nang hawi pata pajau ai mo?

SAM 89:7

Nang ly khumi kachaichi i council ra y, tahm pasang ai nai ataing nai ne’ nichi ly nang ai khri pa-rei jei naimy tahm khai u bo.

SAM 89:8

Ati cheaungkhang sa thai nai keung Areng Tameuh, nang kamta phum-ang len parai nai ly by y; aw Areng, nang ly cheaungkhangra y ka-ym awm nai ne.

SAM 89:9

Nang ly tui sampyhchi len nai pangli ai peang iy, khri pa-rei len nanai tui sampyhchi ai rym hai ba.

THEU NAI 15:11

“Aw Areng, tameuhchi theung y nang hawi atawm nai ami awm vai mo? Nang kamta chai parai iy lyh ai awm nai ly ami awm mo? Nang kamta rengrang naichi hawi nang parai naichi sa thai nai ami awm mo?

ISAIA 16:5

Huna nai khala y Davida katu chanau theung i leaungrei naini samrang lyn iy, mipuichi ai ka-ymra, ka-tamenra hawi peang ai. Ni ly kahawi sa ai nai patyh ai ny y; leu meitang naimy tara chih pi ai.)

ISAIA 40:18

Tameuh ai ly ami hawi pata pajau ai mo? Mymy i mo-cha ai nangchi ati mana thui thai ai mo?

ISAIA 40:25

Chai parai nai Tameuh ai ami hawi pata ai mo? Mymy hawi atawm nai khumi leaung leaungrei awm na a?

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

JEREMIA 10:6

Aw Areng, nang ka-tawm Tameuh harei py by y. Nang ly ati cheaungkhang sa thai nai keung ne. Nang i amyn ly nang parai iy phum-ang kawi angym nai ne.

Leu Thui Nai 33:26

Israela khumichi awi, nangchi i Tameuh ly ni hawi pata ai nai tameuh takhra by y; mymy ly phum-ang nang parai nai hawimy tamai atang iy, kani khusang tako prei naimy, nangchi ai sabawm ai nai ang jeu bo.