SAM 112:7 - Khumi Common Language Bible

⁷ Hunai deaungkho y ni ly satang hawi y naichi thai ai ny y; ni ly Areng ai ym nai khumi ne nai deaungkho y, ni i paleung ly khaw nai ne.

SAM 112:7 ပူးပေါင်းရင်းမြစ်များ

JOBA 11:15

Naibaly vam parai nai hawi my, mipui theung y tahm awm naimy abawi pajau ai.

SAM 118:6

Areng ly kai hawi vanrei awm nai ne i, kai ly jei ai ny y; khumi ly kai ai ati sa hai pajau ai mo?

SAM 34:4

Kai ly Areng teng y chiu sa nai khala, mymy ly tangai pi bo. Jei ai hawi parai naichira i nai kai ai atleu bo.

SAM 49:6

Nichi ly mychi i yhmtheaung katui ai a-ym nai khumichi, nang chawn naira y amlyh nai khumichi ne.

SAM 57:7

Aw Tameuh, kai ly nang ai ym tatang bo; hunai deaungkho y kai ly khulym thui naimy nang ai palo ai!

SAM 62:8

Khumichi awi, Tameuh ai ly ym u jojo; nangchi i patang naira bawibawi ai, mymy teng y amti pi u; mymy ly achi i abyhra ne.

SAM 64:10

Areng i sa nai kalop molam y, khumi kahawi bawibawichi ly amo theu u ai; nichi ly Tameuh teng y abyh u ai; paleung y chai nai khumi bawibawichi ly mymy ai palo u ai.

LEU KACHENG 1:33

Na i py kai i leu tangai nai khumi ly chymme naimy awm ai nai nga ai. Ni ly jei hyn naira by y naimy, tlamsa nai awm ai,” nanai ne.

DANIELA 3:16

Sadraka, Mesheka hawi Abedanekochi my, “Samrang awi, kaichi ly kaimychi law tleaung naira nga ai nai, atho kasa u ai ny y.

LUKA 21:19

Nangchi i kham pajau naira my ly nangchi i hengra ai ly lawi hai ai.

LUKA 21:9

Naibaly atiu nai leu hawi, khrukhrala nai satang nangchi thai nai khala y ly jei u moh: hunichi ly tym man ai nai angchi yb teu, tem ai naira naini tym ryp ai nai ny y leang rai,” napi.

JOHAN 14:1

“Nangchi i paleungbi u moh. Tameuh ai ym i kai ai py ym.

AMTAW 20:24

Na i py kai i angpreng acham ai nai lam motawn angym ai nai hawi, Tameuh i pahenra Satang Kahawi pany hai ai nai, kai Areng Isu teng i krykeung kalop nga nai sa be ai nai ly kai i hengra tama ai nai kamawn y leang.

AMTAW 21:13

Naibaly Pawla my, “Ati mana nai kai ai paleung si hai ai nai vo u ryry lawh? Areng Isu i amyn deaungkho y Jerusalem y kawm ai nai kavam nai khyh ny y leang, dei ai nai py kavam nai na a,” nanai pathang.

AMTAW 27:25

Hunai deaungkho y arengchi awi, awmnem naimy awm u; kai ai ang thui pi nai kamta awm thlethle ai, nanai kai ly Tameuh ai kaym.