SAM 111:7 - Khumi Common Language Bible

⁷ Mymy i sa nai leaungsai bawibawichi ly ka-ym awm nai hawi, leu meitang py amlau nai ne; mymy i Reita leu pei nai bawibawichi ly ym ai nai hawi parai.

SAM 111:7 ပူးပေါင်းရင်းမြစ်များ

SAM 105:8

Mymy ly mymy i Leu Maikawm ai deungtasa khaw hai ai; mymy i adeu naichi ai deung kangthau tym pa-rei awm hai ai.

SAM 119:151

Na i py aw Areng, nang ly kai i sa hawi y awm bo; nang i leu pei nai ngiereichi ly teng parai nai ne.

SAM 119:160

Nang i reita sangum ly leu meitang ne; nang i leu meitang naimy tara chih nai bawibawi ly deungtasarei awm jo nai ne.

SAM 119:86

Reita leu pei nai ngiereichi ly ym ai nai hawi parai; khumichi ly ka-chawi thui naimy kai ai ana u bo, kai ai sabawm kyh ba!

SAM 119:89

Aw Areng, nang i reita leu ly kani pri mang y deungtasarei awm jo nai ne.

SAM 19:7

Areng i leu ly angym be pa-rei hawi nai deaungkho y, paleung hawi phailo ai kangtha lawm hai reng nai ne. Areng i patiu pi nai saichi ly ym ai hawi parai nai ne i, pany thai y naichi ai pany hai bo.

SAM 19:8

Areng i reita leaungsaichi ly teng parai nai ne i, tangai nai khumichi i paleung y amo theu hai reng. Areng i reita leu pei naichi ly leu meitang ne i, paleung y cheng naira pei reng nai ne.

SAM 85:10

Tamen naira hawi ka-ym awm naira ly avum ai; leu meitang adyh adawi naira hawi tlamsa naira ly atakawi hawi ai.

SAM 89:14

Nang i pri ly kateng lam hawi leu meitang salo y langdeng pala nai ne; nang i sa nai ngiereichi ly tamen naira hawi ka-ym awm naira amteng bo.

SAM 93:5

Aw Areng, nang i reita leu pei naichi ly khaw jojo; nang i Achura yhm py deungtasarei kachai ne.

SAM 98:3

Mymy ly mymy i khaw parai nai tamen naira hawi ka-ym awm nai hawimy, Israela chengchi teng y adeu nai leu ly khaw hai bo. Meingtym tleirei y awm nai khumi bawibawichi ly achi i Tameuh i eaung nai niu u nai ne.

DANIELA 4:34

Samrang my, “Kai ly saneng saryhrei neng khei nai khala y, kani mang y khen kalau i, khumi paleung nga ali teang nai deaungkho y, nang parai nai Tameuh ai palo bo. Deungtasarei heng nai Tameuh i nang parai nai hawi, sa thai naira ai palo bo. “Mymy ly khaileaung pri y deungtasarei peang ai. Mymy i pri ly deungtasa khrairei awm jo ai.

DANIELA 9:14

Kaichi i Areng Tameuh awi, nang ly kaichi ai pajeng ai nai angveirym nai kamta pajeng ba. Ati mana nai mo na baly nang ly kahawi sa jojo nai ne teu i py, kaichi ly nang i leu tangai u y nai deaungkho y ne.

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

II TIMOTHEI 2:13

Achi ly ka-ym by y nai awm teu i py, Mymy ly ka-ym awm nai awm jojo, Mymy ly amymy ai apha pajau y,” nanai leu ly ka-ym awm nai ne.