SAM 111:1 - Khumi Common Language Bible

¹ Areng ai palo! Kai ly Areng i khumichi achu nai theung y mymy i pahen nai sai ai paleung hawi verei palo ai.

SAM 111:1 ပူးပေါင်းရင်းမြစ်များ

SAM 103:1

Aw kai i phailo, Areng ai palo! kai i tlang paleung phailochi awi, mymy i amyn kachai ai palo u!

SAM 106:1

Areng ai ly palo u! Areng ly hawi nai deaungkho y kawn nai leu thui u; mymy i tamen nai ly deungtasarei ne.

SAM 106:48

Israela chengchi i Areng Tameuh ai ly palo u! mymy ai ly vai i dengdai deungtasa khrairei palo u! Khumi bawibawichi ly “Amen,” nanai thui u sy! Areng ai palo u!

SAM 107:32

Nichi ly nang i nang parai nai saichi ai, khumichi achu naira y amthang hai ai; lu sa naichi i meetingra y mymy ai palo u ai.

SAM 108:3

Aw Areng, khumi cheng cheaungkhangchi theung y, kai ly nang ai kawn naimy palo ai. Khumi mipuichi theung y nang ai kang palo ai.

SAM 109:30

Kai ly tao pajeng parai naimy, Areng teng y kawn nai palo ai; mipuichi theung y nang ai palo ai.

SAM 138:1

Aw Areng, kai ly paleung hawi verei, nang ai kawn naimy palo ai; tameuhchi mo y nang ai palo nai khulym thui nai ne.

SAM 149:1

Areng ai palo u! Areng i mo y khulym kangtha thui u; mymy ai ka-ym awm nai khumichi i achu naira y, mymy ai palo u!

SAM 22:23

Areng i miseaungchi awi, mymy ai ly palo u! Jakob i kangpreangchi awi, mymy ai tahm khai u! Israela chengchi awi, mymy ai ly chiu u!

SAM 22:25

Kai ly nang i pahen nai saho y nang ai chiu nai khumi mipuichi mo y nang ai palo ai. Kai ly kaimy i adeu nai kamta, apathyp ai.

SAM 35:18

Huna nai khala kai ly nang i khumichi achu naira y, ngai kawn naimy palo ai. humi mipuichi mo y nang ai kang palo ai.

SAM 89:5

Kani pri ichi ly nang i rengrang sa nai satangchi ai khulym thui u bo; aw Areng, khumi kachaichi ly nang i ka-ym awm nai satang khulym thui u nai ne.

SAM 89:7

Nang ly khumi kachaichi i council ra y, tahm pasang ai nai ataing nai ne’ nichi ly nang ai khri pa-rei jei naimy tahm khai u bo.

SAM 9:1

Aw Areng, kai ly paleung hawi verei my nang ai palo ai; nang i sa nai rengrang tlai naichi amteng hai ai.