SAM 11:6 - Khumi Common Language Bible

⁶ Mymy ly khumi hawi y naichi i tlang tleaung y mai-ai akawichi py, ango parai nai mai kangveaung py tla hai bo; nichi ai khri pa-rei angngo nai ali kabi hawi kamngo pajeng nai ne.

SAM 11:6 ပူးပေါင်းရင်းမြစ်များ

ATITI AWM ANGCHEI NAI 19:24

Areng my Sodom hawi Komora mary salo y tlenrei khyh my kan mai kani nai hai bo.

ATITI AWM ANGCHEI NAI 43:34

Josepha ly sabawira i nai teichachi ai, nichi teng y tha pi; Benjamin ly amjochi tleaung y phy pangrei nawi keh nga. Hunai kamta mymychi ly Josepha hawi vanrei amo theu parai naimy cha nei u bo.

JOBA 18:10

Ni i vui khaileaung y niu y pa-rei, deaung khai pi. Ni i tako nai lam y deaung pateung pi bo.

JOBA 18:15

Vai ly ni i kanih yhm theung y kan deichi hei iy, no michi padei pawn chum baly, khumi takhrachi my athum u vui ai.

JOBA 20:23

Ni i cha ai ngai nai ngierei cho palai sy! Tameuh ly khri pa-rei kado theu nai y, ni ai kamngo vang pajeng ai.

SAM 105:32

Mymy ly huni pri y kanitui i jeng y, ji akawi tla hai iy amlosadichi theu hai bo.

SAM 16:5

Aw Areng, kai i abyhra ly nang leaungrei awm khyh; kai i ngai nai ngiereichi ai py nangmy pei bo. Kai i momang i vui ly nang i kiu tleaung y awm.

SAM 18:13

Areng ly kani mang dengdairei kani pajyh hai; salo kangteng keh nai keung i raawi theu bo.

SAM 32:10

Khumi hawi y naichi ly patangra avum u ai. Na i py Areng ai ym nai khumichi ly khaw parai nai tamen naira hawimy, ama hai naira avum ai.

SAM 75:8

Areng ly kado theu naira napi nai ma-hang nai kreip hang khau ly mymy i kiu y syn. Huni kreip hang ai mymy lei nai khala, khumi hawi y naichi ly nei u bo; nichi ly maidenreichy py by y na pa-rei nei u pyn nai ne.

ISAIA 51:17

Aw Jerusalem mary, anglaw jau! Amymy ai apalaw ly ang thau jau! Areng my kado theu nai deaungkho y, nang ai pei nai khaura i pajeng nai kreip hang nang ly nei bo. Huni ai nei nai deaungkho y pavui tapai nai ne.

ISAIA 51:22

Nangchi i Areng Tameuh ly nangchi ai ang kry iy, “Kaimy nangchi teng y kado katheu ang pei nai khau ly nangchi teng i nai kang la pi ali teang ai. Nangchi ai pavui tapai hai nai kreip hang ly nangchi nei u ali bi ai ny y.

JEREMIA 13:25

Hini ly nangmychi i khym taham ne ai, nanai Areng my leu pei bo. Nangchi ly mymy ai tami u iy, tameuh ka-chawichi ai ym u lawh nai deaungkho y, mymy ly nangchi i tlang tleaung y, hina nai kamta tym hai nai ne.

Ezekiela 13:13

Sa thai naira angym nai Areng my leu pei nai ly “Kai ly kado katheu y huni mary apai panawi ai nai ali kamchai aho hai ai. Kado theu naimy khri pa-rei kani nai hai iy, ji akawichi tla hai ai i, phra hai ai.

Ezekiela 38:22

Kai ly haisau tamo, no michi hawi ni ai parip ai. Ni hawi vanrei, ni i tavaimichi, abang nai khumi cheaungkhangchi tlang tleaung y kan hawi mai raurei, kani hawi ji akawi puichi khrikhri pa-rei nai hai ai.

HABAKKUK 2:16

Nangchi ly tahm awm ai nai tleaung y, kangji nga ai nai neng tym ai. Nangmychi kypkyp py, neicha iy pavui tapai u ai. Areng ly nangchi ai kamngo pajeng nai khau nei hai ali teang iy, nangchi i tahm awm nai ai ly kangji nga nai mang y tym hai ai.

LUKA 17:29

na i py Sodom avang i nai Lota theu nai kani ly kani mang i dengdairei mai hawi kan kani nai i, nichi ai padei bebe.

JOHAN 18:11

Naibaly Isu my Petera teng y, “Haisau ly keu y pacheang ba; Ampo my kai ai pei nai khau ly kai nei y ai a?” napi.

1 SAMUELA 1:4

Elakana ly apathyp nai khala y Peninah hawi chanauchi ai mawi phy ha harei phy pi.

1 SAMUELA 9:23

Samuela my biu an amsi nai teng y, “Nang teng y khai takhra ai nai kang pei yb nai mawi jeu hai,” napi.